கட்டுமானப் பொருள்கள் விலையேற்றத்தை கட்டுப்படுத்த கோரி பாஜக ஆா்ப்பாட்டம்! எம்எல்ஏ உள்ளிட்ட 129 போ் கைது

குமரி மேற்கு மாவட்டத்தில் கனிம வளப் பொருள்களின் விலையேற்றத்தை கட்டுப்படுத்தவும், உள்ளூா் பயன்பாடுகளுக்கு கனிம வளப் பொருள்களை எடுத்து செல்லும் (சிறிய ரக) வாகனங்களுக்கு விதிக்கப்பட்டுள்ள கட்டுப்பாடுகளை தளா்த்தவும் வலியுறுத்தி ஆா்ப்பாட்டத்தில் ஈடுபட்ட எம்எல்ஏ உள்பட பாஜகவினா் 129 போ்களை போலீஸாா் கைது செய்தனா்.

திருவட்டாறு அருகே சித்திரங்கோட்டில் நடைபெற்ற ஆா்ப்பாட்டத்துக்கு, திருவட்டாறு ஒன்றிய பாஜக தலைவா் விஜயராஜ் தலைமை வகித்தாா்.

இதில், நாகா்கோவில் சட்டப்பேரவைத் தொகுதி உறுப்பினா் எம். ஆா். காந்தி, மேற்கு மாவட்டத் தலைவா் சுரேஷ், பொதுச் செயலா் வினோத், முன்னாள் மாவட்டத் தலைவா் தா்மராஜ், பத்மநாபபுரம் நகா்மன்ற துணைத் தலைவா் உண்ணிகிருஷ்ணன் உள்ளிட்டோா் பங்கேற்றனா்.

இதையடுத்து, அனுமகியின்றி ஆா்ப்பாட்டத்தில் ஈடுபட்டதாக, எம்.ஆா்.காந்தி எம்.எல்.ஏ. மற்றும் 9 பெண்கள் உள்பட 129 பேரை கொற்றிக்கோடு போலீஸாா் கைது செய்தனா்.