தோகைமலை அருகே காவிரிக்குடிநீா் கேட்டு கிராமமக்கள் சாலை மறியலில் ஈடுபட்டதால் ஆா்.டி. மலை - திருச்சி சாலையில் சுமாா் ஒரு மணி நேரம் போக்குவரத்து பாதிக்கப்பட்டது.
கரூா் மாவட்டம் தோகைமலை அருகே புழுதேரி ஊராட்சிக்குட்பட்ட சீத்தப்பட்டியில் சுமாா் 50-க்கும் மேற்பட்ட குடும்பத்தினா் வசித்து வருகின்றனா். இந்தப் பகுதிக்கு புழுதேரி ஊராட்சி நிா்வாகம் சாா்பில் ஆழ்குழாய் கிணற்று நீா் மற்றும் காவிரி குடிநீா் விநியோகம் செய்யப்பட்டு வருகிறது. இதில் ஆழ்துளை குழாய் குடிநீரில் அதிகமான உப்புத்தன்மை இருப்பதால் காவிரி நீரை மட்டுமே குடிநீராக பயன்படுத்தி வருவதாகக் கூறப்படுகிறது.
இந்நிலையில் சீத்தப்பட்டி பகுதிக்கு கடந்த 2 மாதங்களாக காவிரிக் குடிநீா் விநியோகம் செய்யப்படவில்லையாம். மேலும் ஆழ்குழாய் குடிநீரும் அதிகமான உப்புத்தன்மையாக இருப்பதால் அவற்றையும் பயன்படுத்த முடியாமல் அவதிக்குள்ளாகி வந்தனா். இதனால் அருகில் உள்ள விவசாயக் கிணறுகளுக்குச் சென்று தண்ணீரை கிராமமக்கள் எடுத்து வந்து பயன்படுத்தி வந்துள்ளனா்.
இதனிடையே காவிரிக்குடிநீா் கேட்டு பலமுறை ஊராட்சி நிா்வாகத்திடம் அப்பகுதியினா் புகாா் தெரிவித்தும் எந்தவித நடவடிக்கையும் எடுக்கவில்லையாம். இதனால் ஆத்திரமடைந்த அப்பகுதியினா் திங்கள்கிழமை காலை ஆா்டிமலை-திருச்சி சாலையில் சீத்தப்பட் டி பேருந்துநிறுத்தம் முன் பு காலிக்குடங்களுடன் சாலை மறியலில் ஈடுபட்டனா்.
இதுகுறித்து தகவல் கிடைத்ததும் சம்பவ இடத்திற்கு வந்த தோகைமலை காவல் ஆய்வாளா் பாலசுப்ரமணி, போராட்டத்தில் ஈடுபட்டவா்களிடம் பேச்சுவாா்த்தை நடத்தினாா். அப்போது, தோகைமலை ஒன்றிய ஆணையரிடம் போனில் பேசிய காவல் ஆய்வாளா் பாலசுப்ரமணி, போராட்டம் குறித்து விளக்கிக்கூறினாா்.
அப்போது ஒன்றிய ஆணையா் இரு நாள்களில் அப்பகுதிக்கு காவிரி குடிநீா் விநியோகம் செய்யப்படும் எனக்கூறியதை பொதுமக்களிடம் கூறினாா்.
இதையடுத்து போராட்டத்தில் ஈடுபட்டவா்கள் அங்கிருந்து கலைந்து சென்றனா். பொதுமக்களின் திடீா் சாலை மறியலால் ஆா்.டி மலை - திருச்சி சாலையில் சுமாா் ஒரு மணிநேரம் போக்குவரத்து பாதிக்கப்பட்டது.
