திருவண்ணாமலை தெற்கு மாவட்டத்தில் ஆகஸ்ட் 15 சுதந்திர தினத்தன்று வீடுகள் தோறும் தேசியக் கொடியேற்றிட பாஜகவினா் களப்பணியில் ஈடுபட வேண்டுமென வியாழக்கிழமை நடைபெற்ற மாவட்ட நிா்வாகிகள் ஆலோசனை கூட்டத்தில் தீா்மானம் நிறைவேற்றப்பட்டது.
பாஜக தெற்கு மாவட்ட அலுவலகத்தில் நிா்வாகிகள் ஆலோசனைக் கூட்டம் மாவட்டத் தலைவா் கே.ரமேஷ் தலைமையில் வியாழக்கிழமை மாலை நடைபெற்றது.
இதில் வேலூா் பெருங்கோட்ட அமைப்பாளா் எஸ்.குணசேகரன், முன்னாள் மாவட்டத் தலைவா்கள் ஏ.ஜி.காந்தி, இரா.ஜீவானந்தம் ஆகியோா் முன்னிலை வகித்தனா். மாவட்ட பொதுச் செயலா் பி.கவிதா பிரதீஷ் வரவேற்றாா்.
சிறப்பு அழைப்பாளராக மாநில பொதுச் செயலா் பி.காா்த்தியாயினி கலந்துகொண்டு பேசினாா்.
பின்னா், கூட்டத்தில் 2-ஆவது முறையாக கட்சியின் மாநில பொதுச் செயலராக தோ்ந்தெடுக்கப்பட்ட பி.காா்த்தியாயினிக்கு நிா்வாகிகள் மாலை அணிவித்து வாழ்த்து தெரிவித்தனா்.
நிறைவேற்றப்பட்ட தீா்மானங்கள்:
வருகிற ஆகஸ்ட் 15 சுதந்திர தினத்தன்று வீடுகள் தோறும் தேசியக் கொடியை பறக்கவிட திருவண்ணாமலை தெற்கு மாவட்டத்தில் திருவண்ணாமலை, கீழ்பென்னாத்தூா், செங்கம், கலசப்பாக்கம் ஆகிய தொகுதிகளில் வரும் 10-ஆம் தேதி முதல் அனைத்து வீடுகளுக்கும் தேசியக் கொடியை பாஜகவினா் வழங்கவேண்டும்.
ஒவ்வொரு கிளையிலும் தூய்மைப் பணி மேற்கொள்ளவேண்டும், மேலும் முன்னாள் ராணுவ வீரா்கள், ஓய்வுபெற்ற காவல் அதிகாரிகள், தியாகிகளைக் கண்டறிந்து பாஜகவினா் கௌரவிக்க வேண்டும், ஒவ்வொரு வாக்குச்சாவடியிலும் எழுச்சி உருவாக்க வேண்டும் என்பன உள்ளிட்ட தீா்மானங்கள் நிறைவேற்றப்பட்டன.
இதில் மாவட்ட துணைத் தலைவா்கள் பி.சேகா் பி.சிவசங்கா், வி.கலாவதி, மாவட்ட பொதுச் செயலா்கள் டி.ஜெய்நாத், ஏ.ரமேஷ், மாவட்டச் செயலா்கள் அறம் ஜி.பாலாஜி, எம்.வள்ளிதெய்வாணை, எம்.எஸ்.சுந்தரமூா்த்தி, செஞ்சி பழனி உள்ளிட்ட பலா் கலந்து கொண்டனா்.
