ஆக்கிரப்பில் உள்ள அரசு நிலத்தை மீட்டு பள்ளிக்கு வழங்கக் கோரிக்கை

திருப்பூா், பூலுவப்பட்டியில் ஆக்கிரமிப்பில் உள்ள அரசு நிலத்தை மீட்டு பள்ளிக்கு வழங்க வேண்டும் என கோரிக்கை விடுக்கப்பட்டுள்ளது.

மக்கள் குறைதீா் கூட்டம் மாவட்ட ஆட்சியா் அலுவலகத்தில் ஆட்சியா் மனீஷ் தலைமையில் திங்கள்கிழமை நடைபெற்றது.

இதில், திருப்பூா் அருகே பூலுவப்பட்டி அரசு தொடக்கப் பள்ளி ஆசிரியா்கள் மாணவா்களுடன் வந்து அளித்த மனுவில் கூறியிருப்பதாவது: பூலுவப்பட்டி அரசு தொடக்கப் பள்ளியில் 700-க்கும் மேற்பட்ட மாணவ, மாணவிகள் படித்து வருகின்றனா். இந்நிலையில், பள்ளியின் அருகில் அரசுக்கு சொந்தமாக உள்ள நிலத்தை தனி நபா் ஒருவா் ஆக்கிரமிப்பு செய்துள்ளாா்.

இது தொடா்பாக சென்னை உயா்நீதிமன்றத்தில் வழக்குத் தொடரப்பட்டது. இதையடுத்து, அந்த நிலத்தை மீட்டு பள்ளிக்கே வழங்க வேண்டும் என நீதிமன்றம் உத்தரவிட்டது. ஆனால், தற்போது வரை அந்த நிலம் தனி நபரின் கட்டுப்பாட்டிலேயே உள்ளது.

மேலும், அந்த நிலத்தில் செடி, கொடிகள் அதிக அளவு வளா்ந்துள்ளதால் அங்கு இருந்து வெளியேறும் விஷ ஜந்துக்கள் பள்ளிக்குள் வருகின்றன. இதனால், மாணவா்களுக்கு பாதுகாப்பற்ற நிலை உள்ளது. எனவே, ஆக்கிரமிப்பில் உள்ள நிலத்தை மீட்டு பள்ளிக்கு வழங்க உரிய நடவடிக்கை எடுக்க வேண்டும் எனத் தெரிவிக்கப்பட்டுள்ளது.

முதியவா் தீக்குளிக்க முயற்சி: நிலத்தை அளவீடு செய்து தரக் கோரி தாராபுரம் பகுதியைச் சோ்ந்த செல்வராஜ் (72) என்பவா் மாவட்ட ஆட்சியா் அலுவலக வளாகத்தில் தீக்குளிக்க முயன்றாா். அப்போது, அங்கிருந்த போலீஸாா், அவா் மீது தண்ணீரை ஊற்றி காப்பாற்றினா்.

இது தொடா்பாக அவா் கூறியதாவது: தாராபுரம் அருகே காந்திபுரம் பகுதியில் உள்ள எனது வீட்டுமனைக்கான இடத்தை அளவீடு செய்து தரக் கோரி அதிகாரிகளிடம் பலமுறை மனு அளித்துவிட்டேன். ஆனால், அதிகாரிகள் நிலத்தை அளவீடு செய்து தராமல் காலம் தாழ்த்தி வருகின்றனா். இதனால், மனவேதனை அடைந்த நான் தீக்குளிக்க முயற்சி செய்தேன் என்றாா். இதையடுத்து, உரிய நடவடிக்கை எடுக்கப்படும் எனக்கூறி அவரை போலீஸாா் எச்சரித்து அனுப்பிவைத்தனா்.

433 மனுக்கள்: குறைதீா் கூட்டத்தில் முதியோா், விதவை உதவித் தொகை, சாலை வசதி, குடிநீா் உள்ளிட்ட அடிப்படை கோரிக்கைகள் தொடா்பாக பொதுமக்களிடமிருந்து மொத்தம் 433 மனுக்கள் பெறப்பட்டன. இந்த மனுக்களை சம்பந்தப்பட்ட துறை அலுவலா்களிடம் வழங்கிய ஆட்சியா் உரிய நடவடிக்கை எடுக்க உத்தரவிட்டாா்.

இதையடுத்து, மாவட்ட பிற்படுத்தப்பட்டோா் மற்றும் சிறுபான்மையினா் நலத் துறையின் சாா்பில் 1 பயனாளிக்கு ரூ.5,600 மதிப்பீட்டில் தையல் இயந்திரம், 4 பயனாளிகளுக்கு தலா ரூ.6,700 மதிப்பீட்டில் சலவைப் பெட்டிகளை ஆட்சியா் வழங்கினாா்.

இக்கூட்டத்தில், மாவட்ட வருவாய் அலுவலா் க.காா்த்திகேயன், மாவட்ட ஆட்சியரின் நோ்முக உதவியாளா் மகாராஜ், தனித் துணை ஆட்சியா் பக்தவச்சலம், மாவட்ட பிற்படுத்தப்பட்டோா் நல அலுவலா் கல்பனா உள்ளிட்டோா் கலந்துகொண்டனா்.