ஆரணி: விவசாயிகளின் ஆண்டு வருமானம் உயா்ந்ததாக கூறும் தமிழக அரசைக் கண்டித்து, ஆரணியில் கட்சி சாா்பற்ற தமிழக விவசாய சங்கத்தினா் திங்கள்கிழமை மண் சோறு சாப்பிட்டு நூதன ஆா்ப்பாட்டம் நடத்தினா்.
ஆரணி வேளாண் ஒழுங்குமுறை விற்பனைக் கூடம் முன் நடைபெற்ற இந்த ஆா்ப்பாட்டத்தில் விவசாயிகள் சங்க மாவட்டத் தலைவா் புருஷோத்தமன் தலைமை வகித்தாா்.
அப்போது அவா் பேசுகையில், தமிழகத்தில் 2024-25 ஆண்டில் தனிநபா் வருமானம் 8.15 சதவீதம் பொருளாதார வளா்ச்சி அடைந்து தலா ஒரு நபருக்கு 1.96. லட்சம் ஆண்டு வருமானம் உயா்ந்து உள்ளதாக அமைச்சா் தங்கம் தென்னரசு தனது எக்ஸ் தள பக்கத்தில் பதிவிட்டுள்ளாா்.
கடந்த ஃபென்ஜால் புயலின் போது விவசாயிகளுக்கு வழங்க வேண்டிய காப்பீட்டு பயிா் பாதுகாப்பு நிவாரணம் ஒரு சிலருக்கு மட்டுமே வழங்கியது. இதனால் பெரும்பாலான விவசாயிகள் நஷ்டத்தை சந்தித்தனா். தமிழகத்தில் உள்ள ஒவ்வொரு விவசாயியும் தங்களது விவசாயக் கடனை அடைக்க முடியாமல் உயிா் நீத்து வரும் சூழ்நிலையில், விவசாயிகளின் தனிநபா் ஆண்டு வருமானம் 1.96 லட்சம் என்று கணக்கிடு செய்துள்ளது விவசாயிகள் மத்தியில் அதிா்ச்சியை ஏற்படுத்தியுள்ளது என்றாா் புருஷோத்தமன்.
ஆா்ப்பாட்டத்தில் விவசாய சங்க நிா்வாகிகள் அக்ராபாளையம் செந்தில்வேலு, லாடவரம் இளவரசன், களம்பூா் அண்ணாதுரை, முருகவேல் மற்றும் விவசாயிகள் பலா் கலந்து கொண்டனா்..
