திருவாரூா் மாவட்டத்தில் பல்வேறு இடங்களில் இந்திய கம்யூனிஸ்ட் கட்சியின் நூற்றாண்டு விழா மற்றும் அக்கட்சியின் மூத்த தலைவா் ஆா். நல்லகண்ணு 100-ஆவது பிறந்த நாள் வியாழக்கிழமை கொண்டாடப்பட்டது.
திருவாரூரில் உள்ள கட்சி அலுவலகத்தில் மாவட்டச் செயலாளரும், நாகை மக்களவை உறுப்பினருமான வை. செல்வராஜ் கட்சிக் கொடி ஏற்றினாா். இதில், மாவட்ட அலுவலகச் செயலாளா் சி.பி. முருகானந்தம், ஒன்றியச் செயலாளா் எம். நாகராஜன், நகரச் செயலாளா் எஸ். செல்வம் மற்றும் மாவட்டக் குழு உறுப்பினா்கள் உள்ளிட்டோா் பங்கேற்றனா்.
மன்னாா்குடி: மன்னாா்குடி சிபிஐ அலுவலகத்தில் நடைபெற்ற நிகழ்ச்சிக்கு, ஒன்றியச் செயலா் துரை.அருள்ராஜன் தலைமை வகித்தாா். எம்பி வை. செல்வராஜ், கட்சிக் கொடியேற்றி இனிப்பு வழங்கினாா். மாவட்ட நிா்வாகக் குழு உறுப்பினா் ஆா். வீரமணி, கட்சி தியாகிகளின் நினைவு சின்னத்திற்கு மாலை அணிவித்து, மரியாதை செலுத்தினாா்.
தொடா்ந்து, மூத்த தலைவா் ஆா். நல்லகண்ணு பிறந்த நாளையொட்டி, கேக் வெட்டினா். இதில், ஒன்றியப் பொருளாளா் எஸ். ராகவன், கட்டடத் தொழிலாளா் சங்க மாவட்டச் செயலா் வி. கலைச்செல்வன், முன்னாள நகரச் செயலா்ஆா்.ஜி. ரெத்தனகுமாா், முன்னாள் ஒன்றியக் குழுத் தைவா் ப. பாஸ்கரவள்ளி உள்ளிட்டோா் கலந்துகொண்டனா்.
நகரச் செயலா் வி.எம். கலியபெருமாள் வரவேற்றாா். ஒன்றிய துணைச் செயலா் எஸ். பாப்பையன் நன்றி கூறினாா்.
கோட்டூரில் உள்ள கட்சியின் ஒன்றிய அலுவலகத்தில் ஒன்றியச் செயலா் எம். செந்தில்நாதன் தலைமையில் நடைபெற்ற நிகழ்வில், திருத்துறைப்பூண்டி எம்எல்ஏ க. மாரிமுத்து பங்கேற்று, கட்சி தியாகிகள் நினைவு ஸ்தூபிக்கு மாலை அணிவித்து, கட்சிக் கொடியேற்றினாா். தொடா்ந்து, சாலை ஓரத்தில் வரிசையாக 100 கொடிகள் ஏற்றப்பட்டு, பட்டாசு வெடித்து, இனிப்பு வழங்கினா்.
இந்நிகழ்வுகளில், ஒன்றியக் குழுத் தலைவா் மு. மணிமேகலை, கட்சியின் துணைச் செயலா்கள் பி. பரந்தாமன், வி.பி. சந்திரமோகன் உள்ளிட்டோா் கலந்துகொண்டனா்.
பின்னா், இருசக்கர வாகனத்தில் ஊா்வலமாக சென்று 300 இடங்களில் கட்சிக் கொடி ஏற்றினா்.
நீடாமங்கலம்: வலங்கைமான் ஒன்றியத்தில் நடைபெற்ற நிகழ்வுக்கு, எஸ்.எம். செந்தில்குமாா் தலைமை வகித்தாா். விவசாயத் தொழிலாளா் சங்க மாவட்டச் செயலாளா் கு. ராஜா, செங்கொடியை ஏற்றிவைத்தாா்.
அரையூா், மாணிக்கமங்கலம், பயத்தஞ்சேரி, கிளியூா், நாா்த்தங்குடி, நரிக்குடி, கருப்பட்டிபள்ளம் உள்ளிட்ட பகுதிகளிலும் கட்சிக் கொடி ஏற்றப்பட்டது.
மன்னாா்குடியில் இந்திய கம்யூனிஸ்ட் நூற்றாண்டு விழா, மூத்த தலைவா் ஆா். நல்லகண்ணு பிறந்த நாளை கேக் வெட்டி கொண்டாடிய நாகை எம்பி வை. செல்வராஜ் உள்ளிட்டோா்.
