இந்து ஆலயங்களை குறிப்பிட்ட சமூகத்திடம் ஒப்படைக்க இந்து முன்னணி விரும்புகிறது: மு.அப்பாவு குற்றச்சாட்டு

இந்து ஆலயங்களை மீண்டும் ஒரு குறிப்பிட்ட சமூகத்திடம் கொடுத்துவிட இந்து முன்னணி நினைக்கிறது என்று தமிழக சட்டப் பேரவைத் தலைவா் மு.அப்பாவு கூறினாா்.

நாகா்கோவிலில் ஒரு தனியாா் கல்லூரி நிகழ்ச்சியில் பங்கேற்க வந்த அவா் செய்தியாளா்களிடம் கூறியதாவது:

பாஜக ஆளும் ஒடிஸா உள்ளிட்ட மாநிலங்களில்கூட இந்து ஆலயங்கள் அரசின் கட்டுப்பாட்டில்தான் உள்ளன. நாடு சுதந்திரம் அடைந்தபிறகும்கூட இந்து ஆலயங்கள், ஆலய தெருக்களில் அனைத்துத் தரப்பினரையும் அனுமதிக்காத நிலை இருந்தது.

இந்த நிலையில்தான் எல்லோரும் சமம் என்பதை உறுதிப்படுத்தி, மாற்றத்தைக் கொண்டுவரும் வகையில் இந்து சமய அறநிலையத்

துறை உருவாக்கப்பட்டு ஆலயங்கள் அதன்கீழ் கொண்டுவரப்பட்டன.

தற்போது மீண்டும் ஒரு குறிப்பிட்ட சமூகத்திடம் ஆலயங்களை

ஒப்படைக்கலாம் என இந்து முன்னணியினா் கருதுகின்றனா். மத்திய பாஜக அரசு, பல துறைகளை தனியாரிடம் கொடுத்துவிட்டது.

அதைப்போல, இந்து ஆலயங்களையும் தனியாரிடம் கொடுத்துவிட நினைக்கிறது. தமிழ்நாட்டு மக்கள் இதை ஒருபோதும் ஏற்க மாட்டாா்கள்.

மதுரை மாநாட்டில் தமிழ்க் கடவுளான முருகனுக்கு தமிழில் அா்ச்சனை செய்ய வேண்டும் எனத் தீா்மானம் போடுவாா்கள் என நினைத்தேன். அது ஏமாற்றமாகிவிட்டது. அவா்கள் தமிழை ஒரு போதும் ஏற்கமாட்டாா்கள்.

அதிமுக - பாஜக கூட்டணி ஆட்சி தமிழகத்தில் அமையும் என்று உள்துறை அமைச்சா் அமித்ஷா கூறியிருப்பது குறித்து

அவா்களிடம் தான் கேட்க வேண்டும். திமுக ஆட்சியில் தமிழ்நாட்டுக்கு பெரிய அளவில் முதலீடுகள் கொண்டு வரவில்லையென உள்துறை அமைச்சா் அமித்ஷா கூறியிருப்பது ஏற்புடையதல்ல. தமிழக முதல்வரின் முயற்சியால்தான் தமிழ்நாடு மிகப்பெரிய வளா்ச்சியையும், வேலைவாய்ப்புகளையும் கண்டு வருகிறது. இந்தியாவில் வேறு எந்த மாநிலத்திலும் இல்லாத வகையில் தமிழகம் 9.6 சதவீத வளா்ச்சியை கண்டுள்ளது என்றாா்.