இயற்கை பேரிடரை நிா்வகிக்க வலுவான மருத்துவக் கட்டமைப்பு அவசியம்: புதுச்சேரி ஆட்சியா்

இயற்கை பேரிடரை நிா்வகிப்பதில் வலுவான மருத்துவக் கட்டமைப்பு அவசியம் என்று புதுச்சேரி மாவட்ட ஆட்சியா் அ. குலோத்துங்கன் தெரிவித்தாா்.

புதுச்சேரி ஜிப்மா் மருத்துவமனையில் பாரத் சுகாதார திட்டத்தை செவ்வாய்க்கிழமை அவா் தொடங்கி வைத்தாா். நிா்வாக மாவட்ட நீதிபதியாகவும், மாநில பேரிடா் மேலாண்மை ஆணையத்தின் தலைவராகவும் ஆட்சியா் அ.குலோத்துங்கன் இருப்பதால் பேரிடா் தொடா்பான நிகழ்ச்சிக்கு அவா் தலைமை வகித்தாா். அப்போது அவா் பேசியது

அவசர நிலைகள் மற்றும் இயற்கை பேரிடா்களை திறம்பட நிா்வகிப்பதில் வலுவான மருத்துவ உள்கட்டமைப்பு மற்றும் விரைவான மறுமொழி வழிமுறைகள் வேண்டும். புதுச்சேரி ஜிப்மா் மருத்துவமனையில் பேரிடா் மேலாண்மையை நிா்வகிக்க நிறுவப்பட்டுள்ள அதிநவீன கருவிகள் தயாா்நிலை உத்தியில் ஒரு முன்னுதாரண மாற்றத்தை பிரதிபலிக்கிறது. எந்தவொரு பேரிடா் பாதிக்கப்பட்ட பகுதிக்கும் விரைவாகப் பயன்படுத்தக்கூடிய ஒரு மொபைல், பல்துறை மற்றும் விரிவான மருத்துவ வசதியை வழங்குகிறது. இந்த முயற்சி மாநில பேரிடா் மேலாண்மை ஆணையம், சுகாதாரத் துறை மற்றும் ஜிப்மா் போன்ற முன்னணி மருத்துவ நிறுவனங்களுக்கு இடையிலான கூட்டு மனப்பான்மைக்கு ஒரு சான்றாகும். இது நமது குடிமக்களின் நல்வாழ்வையும் பாதுகாப்பையும் உறுதி செய்கிறது என்றாா் மாவட்ட ஆட்சியா்.

புதுச்சேரி சுகாதாரம் மற்றும் குடும்ப நல சேவைகள் இயக்குநரகத்தின் இயக்குநா் மருத்துவா் வி. ரவிச்சந்திரன் மற்றும் புதுச்சேரி ஜிப்மா் இயக்குநா் மருத்துவா் வீா்சிங் நேகி உள்ளிட்டோா் கலந்து கொண்டனா்.

அதி நவீன கருவிகளின் மேம்பட்ட அம்சங்கள் மற்றும் செயல்பாடுகள் குறித்த விரிவான செயல் விளக்கத்தை நிபுணா்கள் அளித்தனா்.

மருத்துவா்கள் மற்றும் செவிலியா்களுக்காகவும், மாநில மற்றும் பேரிடா் மேலாண்மை பிரிவின் அதிகாரிகள் மற்றும் சுகாதாரத் துறையால் பரிந்துரைக்கப்பட்ட 4 மருத்துவா்கள் மற்றும் 2 செவிலியா்களுக்காகவும் இந்த நிகழ்ச்சி ஏற்பாடு செய்யப்பட்டது. நெருக்கடி காலங்களின் போது முன்னணியிலிருப்பவா்கள் இந்த அதிநவீன தொழில்நுட்பத்தைப் பயன்படுத்த நன்கு தயாராக இருப்பதை இந்த நேரடிப் பயிற்சி உறுதி செய்கிறது.