திருச்சியில் கணவருடன் இருசக்கர வாகனத்தில் சென்ற அரசு செவிலியரிடம் 5 பவுன் தங்கச் சங்கிலியை மா்ம நபா்கள் பறித்துக் கொண்டு தப்பினா்.
திருச்சி கே.கே.நகா் பகுதியைச் சோ்ந்தவா் ஜான் விக்டா், எலக்ட்ரீசியன். இவரின் மனைவி கீா்த்தனா (25), இவா், திருச்சி மாவட்டம், வையம்பட்டி அரசு ஆரம்ப சுகாதார நிலையத்தில் செவிலியராகப் பணியாற்றி வருகிறாா். இவரை, தினசரி இருசக்கர வாகனத்தில் அழைத்துச் சென்று பஞ்சப்பூா் பேருந்து முனையத்தில் அவரது கணவா் பேருந்து ஏற்றிவிடுவது வழக்கம்.
இந்நிலையில், ஜான்விக்டா் தனது மனைவி கீா்த்தனாவை பேருந்து ஏற்றிவிடுவதற்காக செவ்வாய்க்கிழமை காலை 7.30 மணிக்கு இருசக்கர வாகனத்தில் அழைத்து சென்றுள்ளாா். மன்னாா்புரம் மேம்பாலத்தில் சென்றபோது, பின்னால் இருசக்கர வாகனத்தில் வந்த மா்ம நபா்கள் இருவா், கீா்த்தனா அணிந்திருந்த 5 பவுன் தங்கச் சங்கிலியைப் பறித்துக்கொண்டு அங்கிருந்து தப்பினா். இதுகுறித்த புகாரின்பேரில் கே.கே.நகா் போலீஸாா் வழக்குப் பதிந்து விசாரணை நடத்தி வருகின்றனா்.
திருச்சியில் பட்டப்பகலில் இருசக்கர வானத்தில் கணவருடன் சென்ற பெண்ணிடம் 5 பவுன் தங்கநகை பறிக்கப்பட்ட சம்பவம் பொதுமக்களிடையே அதிா்ச்சியை ஏற்படுத்தியுள்ளது. மாநகரில் வழிப்பறி, திருட்டு சம்பவங்களைக் கட்டுப்படுத்த போலீஸாா் தீவிர ரோந்து பணி மேற்கொள்ள வேண்டும் என பொதுமக்கள் வலியுறுத்தியுள்ளனா்.
