திருச்சியில் பல்வேறு கோரிக்கைகளை வலியுறுத்தி மன்னாா்புரத்தில் உள்ள மின்வாரிய மேற்பாா்வை பொறியாளா் அலுவலகம் முன்பு செவ்வாய்க்கிழமை மறியலில் ஈடுபட்ட மின் ஊழியா்கள் 52 பேரை போலீஸாா் கைது செய்தனா்.
தமிழ்நாடு மின் ஊழியா் மத்திய அமைப்பின் திருச்சி பெருநகா் வட்டம் சாா்பில் நடைபெற்ற மறியலுக்கு வட்டத் தலைவா் பி.நடராஜன் தலைமை வகித்தாா்.
இதில், அரசாணை 950-ன் படி தடை செய்யப்பட்ட 19 இடங்களில் பணியாற்றி வரும் ஒப்பந்த ஊழியா்களை பணி நிரந்தரம் செய்ய வேண்டும். மின்வாரியத்தில் 10 ஆண்டுகளுக்கும் மேலாக பணிபுரியும் ஒப்பந்த தொழிலாளா்கள் பணி நிரந்தரம் செய்யப்படுவா் என்ற திமுக அரசின் தோ்தல் வாக்குறுதியை நிறைவேற்ற வேண்டும் என்பன உள்ளிட்ட கோரிக்கைகளை வலியுறுத்தி கோஷம் எழுப்பினா்.
இதில், மாநில துணைத் தலைவா் எஸ். ரெங்கராஜன், நிா்வாகிகள் டி. பழனியாண்டி, எம். இருதயராஜ், எஸ்.கே. செல்வராஜ், என். கண்ணன் உள்ளிட்ட பலா் கலந்துகொண்டனா்.
இதைத் தொடா்ந்து மறியல் போராட்டத்தில் ஈடுபட்ட 52 பேரையும் கண்டோன்மென்ட் போலீஸாா் கைது செய்தனா். பின்னா், அனைவரும் மாலையில் விடுவிக்கப்பட்டனா்.
