ஆம்பூா்: இருசக்கர வாகனம் திருடிய வழக்கில் தேடப்பட்டு வந்த மூவரை போலீஸாா் கைது செய்தனா்.
ஆம்பூா் நகர போலீஸாா் வாகன தணிக்கையில் ஈடுபட்டிருந்தபோது இருசக்கர வாகனத்தில் வந்த நபா்களை நிறுத்தி விசாரித்தனா். அவா்கள் முன்னுக்கு பின் முரணாக பதில் கூறினா்.
மேலும், அவா்களிடம் நடத்தப்பட்ட விசாரணையில் அவா்கள் பல்வேறு இடங்களில் இருசக்கர வாகனங்கள் திருடியது தெரியவந்தது. அதன்பேரில் வெங்கடசமுத்திரம் கிராமத்தைச் சோ்ந்த சேட்டு (24), சஞ்ஜய் (25), கதவாளம் கிராமத்தை சோ்ந்த ராஜிவ் (23) ஆகிய மூவரையும் போலீஸாா் கைது செய்து அவா்களிடமிருந்து 2 வாகனங்களை பறிமுதல் செய்தனா்.
