கோவையில் இருசக்கர வாகனம் மீது லாரி மோதியதில் பெண் உயிரிழந்தாா்.
கோவை வடவள்ளி அருகே உள்ள பொம்மனாம்பாளையத்தைச் சோ்ந்தவா் தீனதயாளன் (41), இவரின் மனைவி ஜாஸ்மின் ரூத் (39). இவா், வடவள்ளியில் உள்ள இருசக்கர வாகனங்கள் விற்பனையகத்தில் பணியாற்றி வந்தாா்.
இந்நிலையில், வேலைக்காக வீட்டிலிருந்து இருசக்கர வாகனத்தில் சனிக்கிழமை சென்றுள்ளாா். அப்போது, இடையா்பாளையம் -வடவள்ளி சாலையில் சென்றபோது, பின்னால் வந்த லாரி ஜாஸ்மின் ரூத்தின் இருசக்கர வாகனம் மீது மோதியது. இதில், தூக்கி வீசப்பட்ட ஜாஸ்மின் ரூத் லாரியின் சக்கரத்தில் சிக்கிக்கொண்டாா். இந்த விபத்தில் சம்பவ இடத்திலேயே அவா் உயிரிழந்தாா்.
இதைத் பாா்த்து அவ்வழியே சென்றவா்கள் லாரியை சிறைபிடித்து, போக்குவரத்து புலனாய்வுப் பிரிவு போலீஸாருக்கு தகவல் கொடுத்தனா்.
இதையடுத்து, சம்பவ இடத்துக்கு வந்த போக்குவரத்து புலனாய்வுப் பிரிவு போலீஸாா் ஜாஸ்மின் ரூத் சடலத்தை மீட்டு கோவை அரசு மருத்துவமனைக்கு அனுப்பிவைத்தனா்.
தொடா்ந்து கரூரைச் சோ்ந்த லாரி ஓட்டுநா் பெரியசாமியிடம் போலீஸாா் விசாரணை நடத்தினா். அப்போது, விபத்தை நான் ஏற்படுத்தவில்லை என்றும், பொதுமக்கள் தவறுதலாக தனது வாகனத்தை சிறைபிடித்து விட்டதாகவும் அவா் தெரிவித்தாா்.
இதுகுறித்து போக்குவரத்து புலனாய்வுப் பிரிவு போலீஸாா் வழக்குப் பதிவு செய்து விசாரணை நடத்தி வருகின்றனா்.
