இல்லம் தேடிக் கல்வி தன்னாா்வலா்களுக்கு பயிற்சி

மன்னாா்குடி: ஒருங்கிணைந்த பள்ளிக் கல்வி கோட்டூா் வட்டார வள மையத்தில் இல்லம் தேடிக் கல்வி திட்டம் 3.0 தன்னாா்வலா்களுக்கான பயிற்சி திங்கள்கிழமை நடைபெற்றது.

வட்டாரக் கல்வி அலுவலா் விா்ஜின் ஜோனா பயிற்சியை தொடக்கிவைத்தாா். 2025-2026-ஆம் கல்வியாண்டில் கோட்டூா் ஒன்றியத்தில் 138 இல்லம் தேடிக் கல்வி மையங்கள் செயல்பட உள்ளன. தமிழக முதல்வரின் கனவுத் திட்டமான இவற்றில் எண்ணும் எழுத்து திட்டத்தின்படி தொடக்கநிலை மாணவா்கள் அனைவரும் தமிழ், ஆங்கிலப் பாடங்களில் வாசித்தல் திறன், எழுதும் திறன் மற்றும் கணித அடிப்படை செயல்பாடுகளை கற்றறியும் திறன் ஆகியவற்றில் முழு அடைவுத்திறனை பெறுவதற்கான வழிகாட்டுதல்களுடன் தன்னாா்வலா்களுக்கு பயிற்சி வழங்கப்படுகிறது. வட்டாரக் கல்வி அலுவலா் தெ. ராமசாமி, மாவட்ட ஒருங்கிணைப்பாளா் வீரப்பராஜா ஆகியோா் பங்கேற்று தன்னாா்வலருக்கு பயிற்சி கையேடுகளை வழங்கினா். வட்டார வளமைய மேற்பாா்வையாளா் என். சுப்ரமணியன் வரவேற்றாா். வட்டார ஒருங்கிணைப்பாளா் காளிதாஸ் நன்றி கூறினாா்.