இளம்பெண்ணிடம் நகை பறிப்பு

வாழப்பாடி: வாழப்பாடி அருகே இரு சக்கர வாகனத்தில் சென்ற இளம்பெண்ணிடம் ஏழு பவுன் தங்க நகையை பறித்துச் சென்ற மா்ம நபா்கள் குறித்து போலீஸாா் விசாரணை நடத்தி வருகின்றனா்.

ஆத்தூரை அடுத்த மல்லியகரை, ரெங்கப்பநாயக்கன்பாளையம் கிராமத்தைச் சோ்ந்த ரகுராமன் மனைவி மோகனப்பிரியா (34). இவா் ஞாயிற்றுக்கிழமை தனது உறவினா் வீட்டு வளைகாப்பு நிகழ்ச்சிக்கு சென்று விட்டு, இரவு 8 மணியளவில் இரு சக்கர வாகனத்தில் வீடு திரும்பியுள்ளாா்.

சேஷன்சாவடி அருகே சேலம்- சென்னை தேசிய நெடுஞ்சாலையில் சென்று கொண்டிருந்தபோது, பின் தொடா்ந்து இரு சக்கர வாகனத்தில் வந்த மா்ம நபா்கள், மோகனப் பிரியாவை வழிமறித்து அவா் அணிந்திருந்த 7 பவுன் நகையை பறித்துச் சென்றனா்.

இது குறித்து மோகனப் பிரியா அளித்த புகாரின் பேரில், வாழப்பாடி காவல் ஆய்வாளா் பாஸ்கா் பாபு தலைமையிலான போலீஸாா் வழக்குப் பதிவு செய்து விசாரணை மேற்கொண்டு வருகின்றனா்.