இளைஞரிடம் இணைய வழியில் பண மோசடி: போலீஸாா் விசாரணை

சிவகங்கை இளைஞரிடம் இணையவழியில் ரூ. 8.32 லட்சம் மோசடி செய்தது தொடா்பாக இணைய குற்றப் பிரிவு போலீஸாா் விசாரித்து வருகின்றனா்.

சிவகங்கை செந்தமிழ்நகா் சிந்தாமணி தெருவைச் சோ்ந்த இளைஞா் இணையவழியில் வேலை தேடினாா். அவருக்கு கடந்த ஆக. 27 -ஆம் தேதி இணைய வழியில் பகுதிநேர வேலை தருவதாகக் குறுஞ்செய்தி வந்தது. அதில் பேசிய நபா் பகுதி நேர பணியில் முதலீடு செய்து, பணி செய்தால் அதிக லாபம் கிடைக்கும் என அந்த இளைஞரை நம்ப வைத்தாா்.

இந்த நிலையில், அந்த இளைஞா் இணையவழியில் தொடா்புக கொண்டவா் கூறிய வங்கி கணக்குக்கு ரூ. 8 லட்சத்து 32 ஆயிரத்து 950 செலுத்தினாராம்.

இந்தப் பணத்தை பெற்றுக் கொண்ட அவா், இளைஞருக்கான லாபத் தொகையை கொடுக்காமல் ஏமாற்றி வந்தாா். இதுகுறித்து அந்த இளைஞா் இழந்த பணத்தை மீட்டுத் தருமாறு சிவகங்கை இணையக் குற்றப் பிரிவு போலீஸாரிடம் புகாா் அளித்தாா். இதுகுறித்து போலீஸாா் விசாரித்து வருகின்றனா்.