ராமநாதபுரத்தில் உயா் கல்வி வழிகாட்டி திட்டத்தின் கீழ், கல்லூரி களப்பயணத்தை மாவட்ட ஆட்சியா் சிம்ரன்ஜீத் சிங் காலோன் வியாழக்கிழமை தொடங்கிவைத்தாா்.
ராமநாதபுரம் நகராட்சி பெண்கள் மேல்நிலைப் பள்ளியில் ஒருங்கிணைந்த பள்ளிக் கல்வி உயா் கல்வி வழிகாட்டி திட்டத்தின் கீழ், கல்லூரி களப்பயணம் தொடக்க விழா நிகழ்ச்சி நடைபெற்றது. இதற்கு மாவட்ட ஆட்சியா் சிம்ரன்ஜீத் சிங் காலோன் தலைமை வகித்து, மாணவ, மாணவிகளின் கல்லூரி களப்பயண வாகனத்தை கொடியசைத்து தொடங்கிவைத்தாா்.
பின்னா், மாவட்ட ஆட்சியா் தெரிவித்ததாவது:
ஆண்டுதோறும் ஒருங்கிணைந்த பள்ளிக் கல்வி உயா் கல்வி வழிகாட்டி திட்டத்தின் கீழ், அரசு மேல்நிலைப் பள்ளியில் பயிலும் மாணவ, மாணவிகளை அந்தந்த மாவட்டத்தில் உள்ள கல்லூரிகளுக்கு களப் பயணமாக அழைத்துச் சென்று மாணவ, மாணவிகளுக்கு பாடத் திட்டத்தின் பயன்கள் குறித்து எடுத்துரைக்கப்படுகின்றன. இதனால், மாணவா்களின் உயா் கல்விக்கு வழிகாட்டியாகவும், ஊக்கப்படுத்தும் வகையில் இந்தப் பயணம் அமைந்துள்ளது.
நிகழாண்டில், 70 அரசு மேல்நிலைப் பள்ளிகளில் பயிலும் 2,079 மாணவ, மாணவிகளை 13 கல்லூரிகளுக்கு அழைத்துச் சென்று பாடத் திட்டங்களின் பயன்கள் குறித்து எடுத்துரைக்கப்படுகின்றன.
இதனால், மேல்நிலைப் பள்ளியில் படிக்கும் மாணவ, மாணவிகள் உயா் கல்வியில் படிப்பதற்கு ஆா்வமுடன் செயல்படுவா். இந்தப் பயணம் மாணவ, மாணவிகளுக்கு பயனுள்ளதாக அமையும் என்றாா் அவா்.
இதில் மாவட்ட முதன்மைக் கல்வி அலுவலா் (பொ) பிரின்ஸ் ஆரோக்கியராஜ், மேல்நிலைக் கல்வி உதவி திட்ட அலுவலா்கள் கண்ணன், கணேசபாண்டியன், தலைமையாசிரியை ஜோவிக்டோரியா, மாவட்ட உயா் கல்வி வழிகாட்டி ஒருங்கிணைப்பாளா்கள் மகேந்திரன், சுரேஷ், விஜயராம், ரவிவா்மா உட்பட பலா் கலந்து கொண்டனா்.
படவிளக்கம்: ஆா்.எம்.எஸ் போட்டோ 1
ராமநாதபுரத்தில் உயா் கல்வி வழிபாட்டி திட்டத்தின் கீழ் கல்லூட் களப்பயணத்தை மாவட் ஆட்சியா் சிம்ரன்ஜீத் சிங் காலோன் வியாழக்கிழமை தொடங்கி வைத்தாா்.
