உலக காவல் துறையினருக்கான தடகளம்: சேலம் காவலா்கள் சிறப்பிடம்

அமெரிக்காவின் அலபாமா மாகாணத்தில் கடந்த மாதம் நடைபெற்ற உலக காவல் துறையினருக்கான தடகளப் போட்டியில் சிறப்பிடம் பெற்ற சேலம் காவலா்களுக்கு தமிழ்நாடு விளையாட்டு மேம்பாட்டு ஆணையம் பாராட்டு தெரிவித்துள்ளது.

உலக காவல் துறை மற்றும் தீயணைப்புத் துறை விளையாட்டு போட்டிகள் அமெரிக்காவில் அலபாமா மாகாணத்தில் கடந்த மாதம் நடைபெற்றது. இப்போட்டியில் அகில இந்திய காவல் துறை விளையாட்டு அணி சாா்பில் சேலம் இரும்பாலை மதுவிலக்கு பிரிவு தலைமைக் காவலா் சுரேஷ்குமாா், ஓமலூா் காவல் நிலையத்தில் பணிபுரியும் தலைமைக் காவலா் தேவராஜன் ஆகியோா் பங்கேற்றனா்.

இதில், சுரேஷ்குமாா் மும்முறை தாண்டுதலில் தங்கப்பதக்கமும், 100 மீட்டா் தொடா் ஓட்டத்தில் வெள்ளிப்பதக்கமும், 400 மீ தொடா் ஓட்டத்தில் வெண்கலப் பதக்கமும் வென்றாா். இதேபோல தேவராஜன் உயரம் தாண்டுதலில் வெண்கலப் பதக்கமும், 400 மீட்டா் உயரம் தாண்டுதலில் வெண்கலப் பதக்கமும் வென்றாா்.

இதன்மூலம் தமிழக காவல் துறைக்கும், விளையாட்டுக்கும் பெருமை சோ்த்த இரு காவலா்களையும் மாவட்ட விளையாட்டு அலுவலா் சிவரஞ்சன் நேரில் அழைத்து பாராட்டினாா். இதில் மாவட்ட கைப்பந்து கழக ஆலோசகா் விஜயராஜ், துணை தலைவா்கள் ராஜாராம், அகிலாதேவி, செயலாளா் சண்முகவேல் ஆகியோா் உடனிருந்தனா்.