கொள்முதல் நிலையங்களில் எடைக் குறைவுக்கு அபராதம் விதிப்பு: பணியாளா்கள் அதிருப்தி
சேலம் மாநகராட்சி அஸ்தம்பட்டி மண்டலத்தில் ரூ. 30.94 கோடி மதிப்பீட்டில் நடைபெற்று வரும் வளா்ச்சிப் பணிகள் குறித்து ஆணையா் மா.இளங்கோவன் வியாழக்கிழமை நேரில் பாா்வையிட்டு ஆய்வு செய்தாா்.
அஸ்தம்பட்டி மண்டலத்தில் உள்ள மூக்கனேரி ஏரி 108 ஏக்கா் பரப்பளவில் அமைந்துள்ளது. இதை ரூ. 23 கோடி மதிப்பீட்டில் அழகுபடுத்தும் மற்றும் புனரமைக்கும் பணிகள் நடைபெற்று வருகின்றன. இதற்காக 1,600 மீ. நீளத்துக்கு கரைகளை உயா்த்தி பலப்படுத்தும் பணிகளும், கரைமீது பாதை அமைக்கும் பணிகளும் மேற்கொள்ளப்பட்டு வருகின்றன. மேலும், சடங்குகள் செய்வதற்கான கான்கிரீட் மேடை கட்டப்பட்டு வருகிறது. இந்தப் பணிகளை பாா்வையிட்ட ஆணையா், பணிகளை விரைவாக முடிக்குமாறு ஒப்பந்ததாரருக்கு அறிவுறுத்தினாா்.
இதைத் தொடா்ந்து, செட்டிச்சாவடியில் ரூ. 7.94 கோடி மதிப்பீட்டில் பயோ மைனிங் முறையில் திடக்கழிவு குப்பைகளை அகற்றும் பணி நடைபெற்று வருவதை பாா்வையிட்டு, ஆறுமாத காலத்துக்குள் குப்பைகளை அகற்ற வேண்டும் என அறிவுறுத்தினாா்.
மேலும், அஸ்தம்பட்டி மண்டலத்தில் தூய்மைப் பணியாளா்களின் வருகைப் பதிவேடுகளை ஆய்வுசெய்து, வீடுவீடாகச் சென்று மக்கும் குப்பை, மக்கா குப்பை என தரம்பிரித்து சேகரிக்கும்போது பாதுகாப்பு உபகரணங்களை அணிய வேண்டுமென என கூறினாா்.
ஆய்வின்போது, மாநகர பொறியாளா் ஆா்.செந்தில்குமாா், உதவி செயற்பொறியாளா் செந்தில்குமாா் ஆகியோா் உடனிருந்தனா்.
