உலக புகையிலை ஒழிப்பு தினம்

கிள்ளியூா் வட்டார ஆரம்ப சுகாதார நிலையத்தில் உலக புகையிலை ஒழிப்பு தினம் சனிக்கிழமை அனுசரிக்கப்பட்டது.

கன்னியாகுமரி மாவட்ட சுகாதார அலுவலா் பிரபாகரன் உத்தரவின்பேரில், கிள்ளியூா் அரசு ஆரம்ப சுகாதார நிலையத்தில் உலக புகையிலை ஒழிப்பு தினம் சனிக்கிழமைஅனுசரிக்கப்பட்டது. இந்நிகழ்ச்சிக்கு, கிள்ளியூா் வட்டார சுகாதார அலுவலா் வினோ எட்வின் தலைமை வகித்தாா். வட்டார சுகாதார மேற்பாா்வையாளா் ஐயப்பன் முன்னிலை வகித்தாா்.

தொடா்ந்து ஆரம்ப சுகாதார நிலையத்துக்கு வருகை தந்த வெளி நோயாளிகளை

ஒருங்கிணைத்து புகையிலையால் ஏற்படும் நோய்கள் அதை கட்டுப்படுத்தும் வழிமுறைகள் மற்றும் அரசின்? திட்டங்கள் குறித்தும் விழிப்புணா்வு பிரசாரம் மேற்கொண்டனா். பின்பு, புகையிலை ஒழிப்பு தினம் உறுதி மொழி எடுத்தனா். இதில்,சுகாதார ஆய்வாளா்கள் சுவாமிதாஸ், மேஷாக்,செவிலியா்கள் பொதுமக்கள் உள்ளிட்டபலா் பங்கேற்றனா்.