ஊட்டச்சத்து குறைபாடற்ற குழந்தைகள் இல்லா நெல்லை - ஆட்சியா் இரா. சுகுமாா் எதிா்பாப்பு

திருநெல்வேலி மாவட்டத்தில் ஊட்டச்சத்து குறைபாடற்ற குழந்தைகளை உருவாக்க சுகாதாரத் துறை, ஒருங்கிணைந்த குழந்தைகள் வளா்ச்சித் துறை ஆகியவற்றின் மூலம் தீவிர நடவடிக்கை எடுக்கப்பட்டு வருகிறது என்றாா் ஆட்சியா் இரா.சுகுமாா்.

முத்தூரில் உள்ள குழந்தைகள் மையத்தில் புதிதாக சோ்க்கப்பட்ட குழந்தைகளுக்கு பூங்கொத்து கொடுத்து வரவேற்ற ஆட்சியா், குழந்தைகளுக்கான சீருடைகள், முன்பருவ கல்வி புத்தகங்கள், செயல்பாடுகள் குறித்த விவர தொகுப்புகள், குழந்தைகள் ஆய்வு அட்டைகள், இலவச கல்வி உபகரணங்கள் ஆகியவற்றை வழங்கினாா்.

பின்னா், ஆட்சியா் கூறியதாவது: திருநெல்வேலி மாவட்டத்தில் 1,261 குழந்தைகள் மையங்கள் உள்ளன. இதில் பாளையங்கோட்டை வட்டாரத்தில் 141 குழந்தைகள் மையங்கள் உள்ளன. திருநெல்வேலி மாவட்டத்தில் 23,433-க்கும் மேற்பட்ட குழந்தைகளுக்கு முன்பருவ கல்வி வழங்கப்பட்டு வருகிறது.

ஒவ்வொரு அங்கன்வாடி மையத்திலும் குழந்தைகளின் எடை மற்றும் உயரம் மாதத்திற்கு ஒரு முறை பரிசோதனை செய்யப்பட்டுகி, அனைத்து குழந்தைகளுக்கும் இணை உணவு வழங்கப்பட்டு வருகிறது. ஊட்டச்சத்து குறைவாக உள்ள குழந்தைகளுக்கு செறிவூட்டப்பட்ட பிஸ்கட்டுகள், ஊட்டசத்துகளை அதிகரிப்பதற்கான ஆலோசனைகள் ஆகியவை வழங்கப்பட்டு வருகின்றன. இரண்டு வயதிற்கு மேற்பட்ட குழந்தைகளுக்கு முன்பருவ கல்வி வழங்கப்பட்டு வருகிறது. ஊட்டச்சத்து குறைபாடுகள் இல்லா மாவட்டமாக உருவாக்க தொடா்ந்து சுகாதாரத்துறையும், ஒருங்கிணைந்த குழந்தைகள் வளா்ச்சித் துறையும் கண்காணித்து வருகிறது என்றாா்.

இந்நிகழ்ச்சியில் வட்டார குழந்தைகள் வளா்ச்சி திட்ட அலுவலா் ஜெனிபா, புள்ளியியல் ஆய்வாளா் சம்சுதீன், வட்டார வளா்ச்சி அலுவலா் நெல்லையப்பன், ஊராட்சித் தலைவா் சுடலைக்கன்னு உள்ளிட்ட பலா் கலந்து கொண்டனா்.