ஒட்டன்சத்திரத்தில் 250 கண்காணிப்பு கேமராக்களின் இயக்கத்தை உணவுத் துறை அமைச்சா் அர.சக்கரபாணி சனிக்கிழமை தொடங்கிவைத்தாா்.
திண்டுக்கல் மாவட்டம், ஒட்டன்சத்திரம் நகா்ப் பகுதியில் குற்றச் செயல்களைத் தடுக்கும் வகையில், பேருந்து நிலையம், ரயில் நிலையம், அனைத்துச் சாலைகள், தெருக்கள், 30 கி.மீ. சுற்றளவு பகுதிகளை கண்காணிக்க 250 நவீன கண்காணிப்பு கேரமாக்கள் பொருந்தப்பட்டுள்ளன.
இவற்றின் கண்காணிப்பு அறை ஒட்டன்சத்திரம் அனைத்து மகளிா் காவல் நிலைய வளாகத்தில் அமைக்கப்பட்டுள்ளது. இதை உணவுத் துறை அமைச்சா் அர.சக்கரபாணி தொடங்கிவைத்து, கள்ளிமந்தையம், இடையகோட்டை, அம்பிளிக்கை, சத்திரப்பட்டி, கீரனூா் ஆகிய காவல் நிலையங்களுக்குள்பட்ட பகுதிகளில் கண்காணிப்பு கேமராக்கள் பொருத்த நடவடிக்கை எடுக்கப்படும் என்றாா் அவா்.
இந்த நிகழ்ச்சியில் திண்டுக்கல் தொகுதி மக்களவை உறுப்பினா் இரா.சச்சிதானந்தம், மாவட்ட காவல் கண்காணிப்பாளா் பிரதீப், ஒட்டன்சத்திரம் காவல் துணை கண்காணிப்பாளா் காா்த்திகேயன், காவல் ஆய்வாளா் தங்கராஜ், நகா்மன்றத் தலைவா் கே.திருமலைசாமி, துணைத் தலைவா் ப.வெள்ளைச்சாமி, காவல் துறையினா், பொதுமக்கள் கலந்து கொண்டனா்.
