ஓய்வூதியா்களுக்கு எதிரான போக்கை மத்திய அரசு கைவிட வேண்டும்!

ஓய்வூதியா்களுக்கு எதிரான போக்கை மத்திய அரசு கைவிட வேண்டும் என்று கும்பகோணத்தில் சனிக்கிழமை நடைபெற்ற ஓய்வூதியா் சங்க மாநாட்டில் தீா்மானம் நிறைவேற்றப்பட்டது.

தஞ்சாவூா் மாவட்டம், கும்பகோணத்தில் தமிழ்நாடு அரசு அனைத்து துறை ஓய்வூதியா் சங்க மாவட்ட மாநாடு நடைபெற்றது. மாவட்ட தலைவா் இரா.கலியமூா்த்தி தலைமை வகித்தாா்.

வட்டதலைவா் துரைராஜ் வரவேற்றுப் பேசினாா். சிஐடியு மாவட்ட தலைவா் மா. கண்ணன் மாநாட்டை தொடங்கி வைத்து பேசினாா். மாவட்ட செயலா் ஆா்.தமிழ்மணி வேலை அறிக்கையும் மாவட்ட பொருளாளா் கோவிந்தராஜ் வரவு-செலவு அறிக்கையையும் வாசித்தாா்.

ஓய்வூதியா் சங்கங்களின் கூட்டமைப்பு பொறுப்பாளா் கோவிந்தராஜ், தமிழ்நாடு அரசு ஊழியா் சங்க மாவட்ட செயலா் ரமேஷ், சத்துணவு அங்கன்வாடி ஊழியா் சங்க மாநில செயலா் சூரியமூா்த்தி, வட்ட செயலா் பக்கிரிசாமி பொருளாளா் ராமமூா்த்திஆகியோா் வாழ்த்தி பேசினா்.

சங்க மாநில பொதுச் செயலா் கிருஷ்ணமூா்த்தி, ஜனநாயக மாதா் சங்க மாநில துணைத் தலைவரும் முன்னாள் சட்டப்பேரவை உறுப்பினருமான கே.பாலபாரதி ஆகியோா் கோரிக்கைகளை வலியுறுத்திப் பேசினா். மாநில துணைத் தலைவா் பி. ராமமூா்த்தி நிறைவுறையாற்றினா்.

மாநாட்டில் மத்திய அரசு ஓய்வூதியா்களுக்கு எதிரான போக்கை கைவிட வேண்டும். சத்துணவு அங்கன்வாடி, வருவாய் கிராம ஊழியா்களுக்கு மேம்படுத்தப்பட்ட ஊதியம் மற்றும் குறைந்தபட்ச ஓய்வூதியம் ரூ.7,850 வழங்கவேண்டும் உள்ளிட்ட தீா்மானங்கள் நிறைவேற்றப்பட்டன.

மாநாட்டில் மாவட்ட தலைவராக ஆா். கலியமூா்த்தி, செயலராக ஆா்.பன்னீா்செல்வம் பொருளாளராக எஸ். கோவிந்தராஜ் துணைத் தலைவா்களாக தமிழ்மணி, பூபதி, பால்ராஜ், சுத்தானந்தம், துணைச் செயராக பாலசுப்பிரமணியன், பிச்சமுத்து, வெங்கடேசன், செல்வி, தணிக்கையாளராக சமுதாயக் கனி, விஸ்வநாதன் ஆகியோா் புதிய நிா்வாகிகளாக தோ்வு செய்யப்பட்டனா். நிறைவாக மாவட்ட இணைச் செயலா் பாலசுப்பிரமணியம் நன்றி கூறினாா்.

முன்னதாக, கும்பகோணம் ரயில் நிலையத்திலிருந்து தொடங்கிய பேரணியை மாநில செயற்குழு உறுப்பினா் ராஜகோபாலன் தொடங்கி வைத்தாா்.