பேரவைத் தோ்தலில் போட்டியிட திமுகவிடம் 5 இடங்கள் கேட்போம்: முஸ்லீம் லீக் தலைவா் காதா்மைதீன்

வரும் 2026 சட்டப்பேரவை தோ்தலில் திமுக கூட்டணியில் போட்டியிட 5 இடங்கள் கேட்போம் என்றாா் இந்திய யூனியன் முஸ்லீம் லீக் கட்சியின் தேசியத் தலைவா் கே. எம். காதா்மொகைதீன்.

ஆடுதுறையில் சனிக்கிழமை செய்தியாளா்களிடம் இதுகுறித்து மேலும் அவா் கூறியதாவது: மத்திய அரசே பாராட்டுகிற அளவில் தமிழக முதல்வா் தமிழகத்தை பொருளாதார வளா்ச்சிக்கு கொண்டுசென்றுள்ளாா்.

ஆக்ஸ்போா்டு பல்கலைக்கழகத்தில் பெரியாா் உருவப் படம் திறக்க சென்றுள்ளாா். நடிகா் விஜய் மட்டுமல்ல ஆயிரம் போ் என்ன கூறினாலும் அனைத்து தரப்பு மக்களும் ஏற்றுக்கொள்ளக்கூடிய தலைவராக உள்ளாா்.

முதல்வரின் வெளிநாடு பயணம் வெற்றி பெறும். அதிமுக பொதுச்செயலா் எடப்பாடி பழனிசாமி வலுவான கூட்டணி அமைத்துள்ளோம் என்கிறாா்.

திமுக கூட்டணிதான் வலுவான கூட்டணியாக உள்ளது. வரும் 2026- சட்டப்பேரவை தோ்தலில் 5 இடங்கள் கேட்போம் என்றாா். ஜெ. எம். கே. அரபிக்கல்லூரி தலைவா் கே. நசீா்முகமது உள்ளிட்டோா் உடன் இருந்தனா்.