ஓலைச் சுவடிகளுக்கு சிறப்பு வழிபாடு

பழனி அடிவாரம் புலிப்பாணி ஆசிரமத்தில் பழங்கால ஓலைச் சுவடிகளுக்கு மலா் வழிபாடும், பதினெட்டு சித்தா்களுக்கான யாக பூஜையும் ஞாயிற்றுக்கிழமை நடைபெற்றன.

பழனியில் ஆடிப் பெருக்கை முன்னிட்டு, அடிவாரம் புலிப்பாணி ஆசிரமத்தில் போகா், புலிப்பாணி சித்தா்கள் எழுதிய பழங்கால ஓலைச் சுவடிகளுக்கு மலா் வழிபாடு நிகழ்ச்சி நடைபெற்றது. அதிகாலையில் ஆசிரம வளாகத்தில் பிரமாண்ட யாக குண்டம் அமைக்கப்பட்டு பழனி போகா் ஆதீனம் சிவானந்த புலிப்பாணி பாத்திர சுவாமிகள் தலைமையில் 18 சித்தா்களுக்கான ஹோமம், நவக்கிரக ஹோமம், சண்டி ஹோமம் ஆகியன நடத்தப்பட்டு பூா்ணாகுதி நடைபெற்றது.

பின்னா், ஜீவசமாதியில் உள்ள சிவலிங்கத்துக்கு அபிஷேக பூஜைகள் நடத்தப்பட்டன. இதைத் தொடா்ந்து போகா், புலிப்பாணி சித்தா்களின் பழங்கால ஓலைச் சுவடிகளை மலா்களால் அலங்கரித்து, நவபாஷாணங்கள் வைத்து சிவானந்த புலிப்பாணி சுவாமிகள் மலா் வழிபாட்டை தொடங்கி வைத்தாா்.

பக்தா்கள் ஓலைச்சுவடிகளுக்கும், நவபாஷாணங்களுக்கும் மலா் தூவி வழிபாடு நடத்தினா். விழாவில் ஏராளமான சித்த மருத்துவா்களும் கலந்து கொண்டனா்.

இது குறித்து சித்த மருத்துவா் கல்பனா கூறுகையில், போகா் எழுதிய மருத்துவச் சுவடிகளுக்கு ஆண்டுக்கு ஒரு முறை பூஜை நடத்தி வழிபடுவது சிறப்பம்சமாகும். இந்த நடைமுறை, சித்த மருத்துவம் மேம்படுவதற்கு நல்ல வாய்ப்பாக உள்ளது என்றாா்.

விழாவில் பங்கேற்ற பக்தா்களுக்கு குங்கும பிரசாதங்கள், அன்னதானம் வழங்கப்பட்டன. இதற்கான ஏற்பாடுகளை ஜம்பு சுவாமிகள், மருத்துவா் பன்னீா்செல்வம், இளையபட்டம் செல்வநாதன் சுவாமிகள், யோகநாதன், கௌதம், காா்த்திக் உள்ளிட்ட பலா் செய்தனா்.