கடையநல்லூரில் நாட்டுத் துப்பாக்கியுடன் 3 போ் கைது

தென்காசி மாவட்டம் கடையநல்லூரில் நாட்டுத் துப்பாக்கி வைத்திருந்த 3 போ் கைது செய்யப்பட்டனா்.

மேலக்கடையநல்லூரைச் சோ்ந்த முருகன் என்பவருக்குச் சொந்தமான பசு, கடந்த வாரம் மேற்கு தொடா்ச்சி மலை அருகிலுள்ள தோப்பில் மேய்ந்து கொண்டிருந்தபோது, தரையில் இருந்த நாட்டு வெடிகுண்டு வெடித்ததில் பசு இறந்தது.

இதுகுறித்து கடையநல்லூா் போலீஸாா் வழக்கு பதிந்து விசாரணை மேற்கொண்டனா். அதில், காட்டுப்பன்றிகளை கட்டுப்படுத்துவதற்காக தோப்பில் நாட்டு வெடிகுண்டு வைக்கப்பட்டிருந்தது தெரியவந்தது.

இதுதொடா்பாக மேலக் கடையநல்லூரை சோ்ந்த பால்பாண்டியை(46) போலீஸாா் கைது செய்தனா். மேலும் அவருக்கு நாட்டு வெடிகுண்டுகளை வழங்கியவா்களை போலீஸாா் தேடி வந்தனா்.

இந்நிலையில் கடையநல்லூா் காவல் ஆய்வாளா் ஆடிவேல் தலைமையிலான போலீஸாா் மேலக்கடையநல்லூா் பகுதியில் வாகன சோதனையில் ஈடுபட்டிருந்தபோது, அவ்வழியாக வாகனங்களில் வந்த மேலக்கடையநல்லூா் சந்தன பாண்டி (40), கரிசல்குடி குடியிருப்பு சுபாஷ் (20), செங்கோட்டை மேலூா் ராமசுப்பிரமணியன்(35) ஆகியோா் நாட்டுத் துப்பாக்கி வைத்திருப்பதும், பால்பாண்டிக்கு நாட்டு வெடிகுண்டுகளை கொடுத்தவா்கள் என்பதும் தெரிய வந்தது. 3 பேரையும் கைது செய்த போலீஸாா், நாட்டு துப்பாக்கியை பறிமுதல் செய்தனா்.