கன்னியாகுமரி மாவட்ட வளா்ச்சித் திட்டங்களில் அரசின் கடமைகள்

கன்னியாகுமரி மாவட்ட வளா்ச்சி குறித்த குமரி மகா சபாவின் 6ஆவது ஆலோசனைக் கூட்டம் மணவாளக்குறிச்சி ஐஆா்இஎல் மணல் ஆலை வளாகத்தில் நடைபெற்றது.

இக்கூட்டத்துக்கு ஐ.ஏ.எஸ். அதிகாரி மைக்கேல் வேத சிரோமணி தலைமை வகித்துப் பேசியதாவது: கடற்கரை சாா்ந்த பகுதிகளில் இயற்கையாகவே அதிக அளவில் கிடைக்கப்பெறும் அரிய வகை கனிமங்களின் முக்கியத்துவத்தை உணா்ந்து, அதை நாட்டின் பாதுகாப்பிற்கும், மக்களின் வளா்ச்சிக்கும் பயன்படுத்த மக்கள் தெரிந்து வைத்திருக்க வேண்டும்.

கன்னியாகுமரி மாவட்டம் மேலும் வளா்ச்சி அடைந்த மாவட்டமாக மாற தேவையான அனைத்து உள் கட்டமைப்புகளையும் செய்ய வேண்டும் என்றாா்.

குமரி மகா சபா நிறுவனா்- தலைவா் ராபின் பேசுகையில், ‘இம் மாவட்டத்தின் பல்வேறு வளா்ச்சி திட்டங்களாகிய விமான நிலையம், தேசிய நெடுஞ்சாலை விரிவாக்கம், துறைமுகம் அமைப்பது, மணவாளக்குறிச்சி அரிய மணல் ஆலையை விரிவாக்கம் செய்வது போன்ற வளா்ச்சித் திட்டங்களை அரசாங்கம் மேற் கொள்ள வேண்டும். மேற்கண்ட திட்டங்களின் முக்கியத்துவத்தை எடுத்துரைப்பது அரசாங்கத்தின் முக்கிய கடமை’ என்றாா்.

மணல் ஆலை முதன்மை பொது மேலாளா் - ஆலைத் தலைவா் செல்வராஜன் பேசுகையில், அரியவகை கனிமங்கள் நாட்டின் வளா்ச்சிக்கு எந்த அளவுக்கு தேவைப்படுகிறது, மோனோசைட் போன்ற கனிமத்தை நாம் எடுப்பதால் கடற்கரையில் உள்ள இயற்கை கதிா்வீச்சு எந்த அளவுக்கு குறைகிறது என்பவற்றையும், அரிய வகை கனிமங்களை எடுப்பதால் மக்களுக்கு எவ்வித பாதிப்பும் நேரிடாது எனவும் விளக்கி கூறினாா்.

கிறிஸ்தவ கல்லூரி ஓய்வுபெற்ற பேராசி ரியா் வேதராஜ், பயோனியா் குமாரசாமி, கல்லூரி ஓய்வுபெற்ற பேராசிரியா் விஜயகுமாா் , நாகா்கோவில் ஸ்காட் கிறிஸ்தவ கல்லூரி முன்னாள் முதல்வா் ஜீஸா் ஜெபநேசன் ஆகியோா் கதிா்வீச்சு சம்பந்தமாக மக்கள் எழுப்பிய கேள்விகளுக்கு விளக்கம் அளித்தனா். பொறியாளா் அன்பு சாமுவேல் குமரி மாவட்டத்தில் விமான நிலையம் அமைப்பதற்கான சாத்திய கூறுகள் பற்றி விளக்கமாக எடுத்துரைத்தாா். பால பிரஜாபதி அடிகளாா் சிறப்புரையாற்றினாா். குமரி மகா சபா செயலா் ஜாண்சன் சபாவின் பணிகள் குறித்து அறிக்கை சமா்ப்பித்தாா். டாக்டா் டி.வி.எஸ். பிள்ளை வரவேற்றாா். எஸ்.ஆா்.ஸ்ரீராம் நன்றி கூறினாா்.