கரூரில் சனிக்கிழமை தவெக தலைவா் விஜய் பிரசாரம் மேற்கொள்கிறாா்.
கரூரில் தவெக தலைவா் விஜய் பிரசாரத்துக்காக வெங்கமேடு, உழவா்சந்தை, லைட்ஹவுஸ்காா்னா் ஆகிய இடங்களில் அனுமதி கேட்டு கட்சியின் பொதுச் செயலாளா் புஸ்ஸி ஆனந்த் மாவட்ட காவல்கண்காணிப்பாளா் அலுவலகத்தில் வியாழக்கிழமை மனு அளித்தாா்.
அப்போது போலீஸாா் தரப்பில் சனிக்கிழமை கரூரில் போக்குவரத்து நெரிசல் காணப்படும் என்பதால், மூன்று இடங்களிலும் பிரசாரம் செய்ய அனுமதி வழங்கவில்லை.
இந்நிலையில் வேலுசாமிபுரத்தில் சனிக்கிழமை மாலை 4 மணிக்கு விஜய் பிரசாரம் செய்ய மாவட்ட காவல் கண்காணிப்பாளா் கே.ஜோஷ்தங்கையா வெள்ளிக்கிழமை காலை அனுமதி வழங்கினாா்.
மேலும் பொதுச் சொத்துக்களை சேதம் விளைவிக்கக்கூடாது, பிரசாரத்தில் கன்னியமாக நடந்துகொள்ள வேண்டும், மின்கோபுரங்களில் தொண்டா்கள் ஏறக்கூடாது என்பன உள்ளிட்ட 17 நிபந்தனைகளுடன் அனுமதி வழங்கப்பட்டது. இதையடுத்து கட்சியின் பொதுச் செயலாளா் புஸ்ஸி ஆனந்த், பிரசாரம் நடைபெற உள்ள வேலுசாமிபுரத்தை பாா்வையிட்டுச் சென்றாா்.
