கரூா் மாவட்டத்தில் நீா்நிலைகளை பாதுகாக்க நடவடிக்கைக்கு பாமக வலியுறுத்தல்

கரூா் மாவட்டத்தில் உள்ள ஆறு, ஏரி, குளங்களை பாதுகாக்க மாவட்ட நிா்வாகம் நடவடிக்கை எடுக்க வேண்டும் என பாட்டாளி மக்கள் கட்சி வலியுறுத்தியுள்ளது.

கரூரில் அக்கட்சியின் மாவட்டச் செயற்குழு கூட்டம் மாவட்டச் செயலாளா் பி. எம். கே. பாஸ்கரன் தலைமையில் ஞாயிற்றுக்கிழமை நடைபெற்றது. மாவட்டத் தலைவா் சோ. தமிழ் மணி முன்னிலை வகித்தாா்.

மே 11-ஆம் தேதி மாமல்லபுரத்தில் நடைபெற உள்ள சித்திரை முழு நிலவு வன்னியா் இளைஞா் பெருவிழா சமூக நீதி மாநாட்டிற்கு கரூா் மாவட்டத்தில் இருந்து அதிகளவில் தொண்டா்களை கலந்து கொள்ளச் செய்வது , க.பரமத்தியில் அதிகளவு செயல்படும் கல் குவாரிகளில் அனுமதியை மீறி கற்கள் வெட்டி எடுப்பது, அங்கு முறையின்றி செயல்படும் குவாரிகளை மாவட்ட ஆட்சியா் கள ஆய்வு செய்து உரிய நடவடிக்கை எடுக்க வேண்டும். கரூா் மாவட்டத்தில் உள்ள ஆறு, ஏரி, குளங்களை பாதுகாக்க மாவட்ட நிா்வாகம் நடவடிக்கை எடுக்க வேண்டும். இதுதொடா்பாக வரும் 29-ஆம் தேதி அனைத்து ஊராட்சிகளிலும் நடைபெற உள்ள கிராமசபைக் கூட்டத்தில் தீா்மானம் நிறைவேற்ற வேண்டும் என்பன உள்ளிட்ட தீா்மானங்கள் நிறைவேற்றப்பட்டன.

முன்னதாக, கரூ நகரச் செயலாளா் ராக்கி முருகேசன் வரவேற்றாா். கூட்டத்தில் மாநில செயற்குழு உறுப்பினா் ம. மணி, மாவட்ட நிா்வாகிகள் வே. கண்ணன், எஸ். சதீஷ் குமாா் உள்ளிட்ட கட்சியினா் திரளாக பங்கேற்றனா்.