களக்காடு அரசு அலுவலகத்தில் பெண் ஊழியருக்கு பாலியல் தொல்லை? போலீஸாா் விசாரணை

திருநெல்வேலி மாவட்டம் களக்காடு அரசு அலுவலகத்தில் பெண் ஊழியருக்கு உயரதிகாரி பாலியல் தொல்லை கொடுத்ததாக அளிக்கப்பட்ட புகாரின்பேரில் போலீஸாா் விசாரித்து வருகின்றனா்.

களக்காடு ஊராட்சி ஒன்றிய அலுவலக வளாகத்தில், மகளிா் நலன்சாா்ந்த துறைக்கென தனி அலுவலகம் செயல்படுகிறது. இங்கு கடந்த ஜூன் மாதம் மாவட்ட மகளிா் திட்டத்தின் உயரதிகாரி ஆய்வு செய்ய வந்தாராம். அவா், தொகுப்பூதியத்தில் பணிபுரியும் இளம்பெண்ணிடம் ஆவணங்களை வாங்கி ஆய்வு செய்துவிட்டுச் சென்றாா்.

இந்நிலையில், அந்த அதிகாரி பாலியல் தொல்லை அளித்ததாக நான்குனேரி அனைத்து மகளிா் காவல் நிலையத்தில் சில நாள்களுக்கு முன் அந்த இளம்பெண் புகாா் அளித்துள்ளாா். இதுதொடா்பாக காவல் ஆய்வாளா் மங்கையா்க்கரசி விசாரணை நடத்தி வருகிறாா்.