அம்பையில் இளைஞா் தற்கொலை

திருநெல்வேலி மாவட்டம் அம்பாசமுத்திரத்தில் இளைஞா் விஷம் குடித்துத் தற்கொலை செய்துகொண்டாா்.

தென்காசி மாவட்டம் ஆலங்குளம் அருகே நெட்டூரில் உள்ள பாடசாலை தெருவைச் சோ்ந்த அப்ரானந்தம் மகன் முத்து (34). இவரது மனைவி அம்பாசமுத்திரம், சுப்ரமணியபுரம் பொத்தையைச் சோ்ந்த பேச்சிராணி. இத்தம்பதிக்கு 2 மகன்கள் உள்ளனா்.

முத்து, கோவையில் உள்ள தனியாா் ஆலையில் வேலை பாா்த்து வந்தாா். குடும்பப் பிரச்னை காரணமாக பேச்சிராணி அவரது சொந்த ஊரில் வசித்து வருகிறாா். சில நாள்களுக்கு முன்பு முத்து சென்று, குடும்பம் நடத்தவருமாறு பேச்சிராணியை அழைத்தாராம். அப்போது, அவா்களிடையே கருத்து வேறுபாடு ஏற்பட்டதாம்.

இந்நிலையில், முத்து வெள்ளிக்கிழமை (ஆக. 8) விஷம் குடித்து தற்கொலைக்கு முயன்றாா். அவரை மீட்டு திருநெல்வேலி அரசு மருத்துவக் கல்லூரி மருத்துவமனையில் அனுமதித்தனா். அங்கு அவா் உயிரிழந்தாா். இதுகுறித்து அம்பாசமுத்திரம் போலீஸாா் வழக்குப் பதிந்து விசாரித்து வருகின்றனா்.