களக்காடு மலையடிவாரத்தில் உள்ள சேதமடைந்த சிவபுரம் சாலையை சீரமைக்க நகராட்சி நிா்வாகம் நடவடிக்கை எடுக்க வேண்டுமென பொதுமக்கள் கோரிக்கை விடுத்துள்ளனா்.
களக்காடு நகராட்சிக்குள்பட்டது சிவபுரம். இக்கிராமத்துக்குச் செல்லும் சுமாா் 3 கி.மீ. தொலைவுள்ள சாலை மிகவும் குண்டும் குழியுமாகவும், சாலையோரங்களில் செடி, கொடிகள் முளைத்து வாகனங்கள் செல்ல இடையூறாகவும் உள்ளது. சேதமடைந்த சாலையை சீரமைக்கவும், சாலையோரம் ஆக்கிரமித்துள்ள செடி, கொடிகளை அகற்றவும் நகராட்சி நிா்வாகம் நடவடிக்கை எடுக்க வேண்டும் என்று பொதுமக்கள் கோரிக்கை விடுத்துள்ளனா்.
