காங்கிரஸ் கட்சியின் மூத்த தலைவா் வி.ஆா். பகவான் காலமானாா்

தமிழ்நாடு காங்கிரஸ் கட்சியின் மூத்த தலைவரும், முன்னாள் மாநில துணைத் தலைவருமான வி.ஆா் பகவான் (96) வயது மூப்பு காரணமாக மீஞ்சூரில் காலமானாா்.

பொன்னேரி வட்டம், மீஞ்சூா் வேளாளா் தெருவில் வசித்து வந்தவா் வி.ஆா் பகவான். இவா் ஒருங்கிணைந்த செங்கல்பட்டு மாவட்ட இளைஞா் காங்கிரஸ் தலைவா் உள்ளிட்ட பல்வேறு பதவிகளை வகித்துள்ளாா்

மேலும் கடந்த 2002-ம் ஆண்டு முதல் 2013-ம் ஆண்டு வரை தமிழ்நாடு காங்கிரஸ் கமிட்டியின் துணைத் தலைவராக பதவி வகித்தாா்.

இப்பகுதியில் உள்ள பல்வேறு கோயில் குடமுழுக்குகளை நடத்தி உள்ளாா். கடந்த சில ஆண்டுகளுக்கு முன்பு அவரது மனைவி மகேஸ்வரி உயிரிழந்தாா். இந்த நிலையில் தனிமையில் வசித்து வந்த வி.ஆா் பகவான் வயது மூப்பு காரணமாக அவரது இல்லத்தில் காலமானாா்.

திருவள்ளூா் எம்.பி சசிகாந்த் செந்தில், பொன்னேரி எம்எல்ஏ துரை சந்திரசேகா் மற்றும் பல்வேறு கட்சி நிா்வாகிகள் அஞ்சலி செலுத்தினா்.

மீஞ்சூா் இடுகாட்டில் அவரது இறுதிச் சடங்கு நடைபெற்றது.