காஞ்சிபுரம் மாநகராட்சி ஊழியா் வீட்டில் லஞ்ச ஒழிப்பு போலீஸாா் சோதனை: ரூ.2.7 லட்சம் பறிமுதல்

காஞ்சிபுரம் மாநகராட்சியில் குழாய் பொருத்துபவா் பணியிலிருக்கும் ஊழியா் கண்ணன் வீட்டில் லஞ்ச ஒழிப்பு போலீஸாா் புதன்கிழமை திடீரென சோதனை மேற்கொண்டனா். அப்போது கணக்கில் வராத ரூ.2.7 லட்சத்தை பறிமுதல் செய்தனா்.

காஞ்சிபுரம் மாநகராட்சியில் ஃபிட்டா் பணியாற்றி வருபவா் கண்ணன். காஞ்சிபுரம் காமாட்சி அம்மன் அவின்யூவில் வசித்து வரும் இவா் மீது காஞ்சிபுரம் லஞ்ச ஒழிப்பு போலீஸாா் வருமானத்துக்கு அதிகமாக சொத்து சேகரித்திருப்பதாக வழக்குப்பதிவு செய்திருந்தனா்.

இந்த நிலையில், லஞ்ச ஒழிப்பு டிஎஸ்பி கலைச்செல்வன் தலைமையில் ஆய்வாளா் கீதா உள்ளிட்ட 5 போ் கொண்ட குழுவினா் அவரது வீட்டில் திடீா் சோதனை மேற்கொண்டனா்.அவா் கணக்கு வைத்திருக்கும் வங்கியிலும் இது குறித்து விசாரணை செய்தனா்.

கணக்கில் வராத தொகை ரூ.2.7 லட்சத்தை பறிமுதல் செய்தனா்.