காரைக்கால் கைலாசநாதா் கோயில் கும்பாபிஷேக பாதுகாப்பு: எஸ்எஸ்பி ஆய்வு

காரைக்கால்: காரைக்கால் கைலாசநாதா் கோயில் கும்பாபிஷேகம் ஜூன் 5-ஆம் தேதி நடைபெறவுள்ள நிலையில், பாதுகாப்புக்கான ஏற்பாடுகள் குறித்து முதுநிலைக் காவல் கண்காணிப்பாளா் திங்கள்கிழமை ஆய்வு செய்தாா்.

புதுவை அரசின் இந்து சமய அறநிலையத்துறைக்குட்பட்ட காரைக்கால் ஸ்ரீ சுந்தராம்பாள் சமேத கைலாசநாதா் கோயிலில் 5-ஆம் தேதி காலை 8 முதல் 8.45 மணிக்குள் கும்பாபிஷேகம் நடைபெறவுள்ளது.

இதற்காக அம்மையாா் கோயிலுக்கு எதிா் புறத்தில் யாகசாலை மண்டபம் அமைக்கப்பட்டு, 6 கால யாக பூஜைகள் தொடங்கியுள்ளன.

மாங்கனித் திருவிழா நடத்தக்கூடிய சிறப்புக்குரிய தலம் என்பதால், திரளான பக்தா்கள் கும்பாபிஷேகத்தில் பங்கேற்பாா்கள் என கோயில் நிா்வாகம் கருதுகிறது. புதுவை துணை நிலை ஆளுநா் கே.கைலாஷ்நாதன், முதல்வா் என்.ரங்கசாமி, சட்டப்பேரவைத் தலைவா், அமைச்சா்கள் உள்ளிட்டோருக்கும் கோயில் நிா்வாகம் கும்பாபிஷேகத்துக்கு அழைப்பு விடுத்துள்ளது.

இந்நிலையில், கும்பாபிஷேகத்துக்கான பாதுகாப்பு ஏற்பாடுகள் குறித்து முதுநிலைக் காவல் கண்காணிப்பாளா் லட்சுமி செளஜன்யா திங்கள்கிழமை கோயில் மேல் தளம் மற்றும் சுற்றுவட்டாரம், கட்டப்பட்டிருக்கும் சாரம், யாகசாலை மண்டபம் உள்ளிட்டவற்றை பாா்வையிட்டாா்.

மண்டல காவல் கண்காணிப்பாளா் ஏ.சுப்பிரமணியன், காவல் ஆய்வாளா்கள் மரியகிரிஸ்டின்பால், பிரவீன்குமாா், புருஷோத்தமன் மற்றும் திருப்பணிக் குழுவினா் ஆய்வில் பங்கேற்றனா்.

கோயில் மேல் தளத்துக்கு ஏறக்கூடிய சவுக்கு மரத்தாலான சாரத்தை வலுப்படுத்துமாறு கோயில் நிா்வாகத்தினரை எஸ்எஸ்பி கேட்டுக்கொண்டாா். கோயில் மேல் தளத்தில் முக்கியஸ்தா்கள் உள்ளிட்ட குறிப்பிட்ட எண்ணிக்கையில் மட்டுமே பக்தா்கள் அனுமதிக்கப்படுவாா்கள். பிறா் கோயில் பிரகாரப் பகுதியில் நிற்க ஏற்பாடுகள் செய்யப்பட்டுள்ளதாக கோயில் நிா்வாகத்தினா் எஸ்எஸ்பியிடம் தெரிவித்தனா். பக்தா்களுக்கு தகுந்த பாதுகாப்பு ஏற்பாடுகள் செய்யப்படும் என எஸ்எஸ்பி அவா்களிடம் உறுதியளித்தாா்.

ஆய்வு குறித்து எஸ்எஸ்பி கூறுகையில், கும்பாபிஷேக விழாவில் திரளான பக்தா்கள் பங்கேற்பாா்கள் என எதிா்பாா்க்கப்படுகிறது. 200-க்கும் மேற்பட்ட போலீஸாா் பாதுகாப்புப் பணியில் ஈடுபடுத்தப்படுவாா்கள். பெண்கள் பாதுகாப்புக்கு தனி கவனம் செலுத்தப்படும் என்றாா்.