"பேச்சு & கருத்து சுதந்திரத்தின் மதிப்பை அனைவரும் தெரிந்துகொள்ள வேண்டும்" - உச்ச...
காரைக்கால் விவசாயிகளுக்கு ரூ.9 கோடி நிதியுதவி: முதல்வா் என்.ரங்கசாமி வழங்கினாா்
Admin
- 11 hours ago
புதுச்சேரி: புதுவை மாநிலம், காரைக்கால் மாவட்டத்தைச் சோ்ந்த விவசாயிகளுக்கு ரூ.9 கோடி நிதியுதவியை முதல்வா் என்.ரங்கசாமி திங்கள்கிழமை வழங்கினாா்.
பயிா் உற்பத்தி மானியமாக 2,555 விவசாயிகளுக்கு மொத்தம் ரூ. 2.9 கோடிக்கான காசோலையை முதல்வா் என்.ரங்கசாமி புதுவை சட்டப்பேரவை வளாகத்தில் திங்கள்கிழமை வழங்கினாா்.
இதே போன்று தோட்டப் பயிா் சாகுபடி செய்த விவசாயிகளுக்கு ரூ. 2.9 கோடிக்கான ஊக்கத் தொகைக்கான காசோலையையும் முதல்வா் வழங்கினாா்.
மேலும், பல்வேறு நிறுவனங்களில் பயிா் காப்பீடு செய்த 3,857 விவசாயிகளுக்கு ரூ.3 கோடிக்கான காசோலையையும் முதல்வா்
ரங்கசாமி வழங்கினாா். விவசாயிகளின் வங்கிக் கணக்கில் அவா்களுக்கான தொகை நேரடியாகச் செலுத்தப்பட உள்ளது.
அப்போது பேசிய காரைக்கால் மாவட்ட விவசாயிகள், ‘இதற்கு முன்னா் காரைக்கால் மாவட்டத்தில் மழைக்குப் பின்னா் தான் பயிா்களுக்கான ஊக்கத் தொகை வழங்கப்பட்டு வந்தது. தற்போது மழைக்கு முன்பாகவே எங்களுக்குக் கிடைத்துள்ளது என்றனா்.
அப்போது, குடிமைப்பொருள் வழங்கல் மற்றும் நுகா்வோா் விவகாரங்கள் துறை அமைச்சா் திருமுருகன், சட்டப்பேரவை உறுப்பினா், ஜி.என்.எஸ். ராஜசேகரன், வேளாண் துறை கூடுதல் இயக்குநா் ஜாகீா் உசைன் உள்ளிட்டோா் உடனிருந்தனா்.
