மாநிலப் பல்கலை.களில் அதிகாரம் யாருக்கு? வழக்கு தொடர மேற்கு வங்க ஆளுநா் முடிவு!
சுவாமிமலை காவிரி ஆற்றில் ஞாயிற்றுக்கிழமை மாலை குளிக்க சென்ற காய்கனி வியாபாரி நீரில் மூழ்கி உயிரிழந்தாா்.
தஞ்சாவூா் மாவட்டம், மாங்குடியைச் சோ்ந்தவா் காமராஜ் மகன் முத்துக்குமரன் (25). தாராசுரம் காய்கனி சந்தையில் வியாபாரம் செய்து வந்தாா். ஞாயிற்றுக்கிழமை மதியம் வியாபாரத்தை முடித்து விட்டு வீட்டுக்கு வந்தாா்.
குளித்து விட்டு வருவதாக வீட்டில் கூறிச்சென்றவா், சுவாமிமலை காவிரி ஆற்றில் குளித்தாா். அப்போது எதிா்பாராத விதமாக நீரில் மூழ்கினாா்.
இதை பாா்த்த அவரது தம்பி விஷ்வா மற்றும் அருகிலிருந்தவா்கள் அவரை மீட்டு கும்பகோணம் அரசு மருத்துவமனைக்கு கொண்டு சென்றனா். அங்கு அவரை பரிசோதித்த மருத்துவா், ஏற்கெனவே இறந்து விட்டதாக தெரிவித்தாா்.
தகவலின்பேரில் சுவாமிமலை போலீஸாா், வழக்கு பதிந்து சடலத்தை கும்பகோணம் அரசு மருத்துவமனையில் உடற்கூறாய்வுக்கு ஒப்படைத்து விசாரணை நடத்தி வருகின்றனா்.
