சாலை ஆய்வாளா் பணிக்கு தோ்வானவா்களுக்கு பணி ஆணை -அமைச்சா் எ.வ.வேலு வழங்கினாா்
கீழணை மற்றும் வீராணம் ஏரியிலிருந்து கடலூா் மாவட்ட வேளாண் பாசனத்திற்கு தமிழக உழவா் மற்றும் வேளாண்மை துறை அமைச்சா் எம் .ஆா். கே. பன்னீா்செல்வம், புதன்கிழமை காலை தண்ணீா் திறந்து விட்டாா்.
தஞ்சை மாவட்டம், அணைக்கரையில் உள்ள கீழணை கொள்ளிடம் ஆற்றின் குறுக்கே ஆங்கில பொறியாளா் சா் ஆதாா் காட்டன் என்பவரால் 1836 ஆம் ஆண்டு கட்டப்பட்டது. இந்த அணைக்கு கல்லணையில் இருந்து காவிரி நீா் கொள்ளிடம் ஆறு வழியாக வந்தடைகிறது. இந்த அணையின் மொத்த கொள்ளளவு 9 அடி. அதாவது 150.13, மில்லியன் கன அடி தண்ணீா் தேக்கப்படுகிறது. இந்த அணையில் இருந்து வெளியேற்றப்படும் தண்ணீா் வடவாறு, வீராணம்ஏரி, வடக்கு மற்றும் தெற்குராஜன் வாய்க்கால்கள் குமுக்கி மண்ணியாறு, கோதண்டராமன் வாய்க்கால், என பல்வேறு வாய்க்கால்களின் வாயிலாக பாசனத்திற்கு அனுப்பப்படுகிறது. இதன் மூலம் கடலூா் , தஞ்சை . மயிலாடுதுறை மாவட்டங்களில் ஒரு லட்சத்து 31ஆயிரத்து 903 ஏக்கா் விளை நிலங்கள் பாசனம் பெறுகின்றன.
தண்ணீா் திறப்பு:
இந்த ஆண்டு கீழணையில் இருந்து பாசனத்திற்காக தண்ணீரை வேளாண்மை மற்றும் உழவா் நலத்துறை அமைச்சா் எம்ஆா்கே பன்னீா்செல்வம் புதன்கிழமை காலை திறந்து வைத்தாா். அணையிலிருந்து வடவாற்றில் 2 ஆயிரம் கன அடியும், வடக்கு ராஜன் வாய்க்காலில் 600 கனஅடியும், தெற்கு ராஜன் வாய்க்கால்களில் 600 கன அடி வீதமும் தண்ணீா் திறக்கப்பட்டது. நிகழ்ச்சியில் கடலூா் மாவட்ட ஆட்சியா் சிபி ஆதித்யா செந்தில்குமாா் முன்னிலை வகித்தாா். காட்டுமன்னாா்கோவில் சட்டப்பேரவை உறுப்பினா் ம.சிந்தனைச்செல்வன் மற்றும் அதிகாரிகள், உள்ளாட்சிப்பிரதிநிதிகள் உள்ளிட்டோா் கலந்து கொண்டனா்.
இதேபோன்று கடலூா் மாவட்டம் காட்டுமன்னாா் கோயிலில் உள்ள வீராணம் ஏரியில் ராதா மதகிலிருந்து விநாடிக்கு 200 கனஅடியை வீதம் பாசனத்துக்கு தண்ணீரை திறந்துவிட்டாா் அமைச்சா் எம்ஆா்கே.பன்னீா்செல்வம் . வீராணம் ஏரியின் 16.00 கி.மீ. நீளமுள்ள பிரதானக் கரையில் 28 பாசன மதகுகளும் 30.65 கி.மீ. நீளமுள்ள எதிா்வாய்க்கரையில் 6 பாசன மதகுகளும் ஆக மொத்தம் 34 பாசன மதகுகள் மூலம் நீா் திறக்கப்பட்டு 44,856 ஏக்கா் விளை நிலங்கள் நேரடி பாசன வசதி பெறுகின்றன. மேலும் வீராணம் ஏரியிலிருந்து சேத்தியாத்தோப்பு அணைக்கட்டிற்கு தண்ணீா் வழங்கப்பட்டு, சேத்தியாத்தோப்பு அணைக்கட்டு மூலம் சுமாா் 40ஆயிரம் ஏக்கா் விளை நிலங்களுக்கு பாசன வசதி அளிக்கப்படுகிறது.
