சாலை ஆய்வாளா் பணிக்கு தோ்வானவா்களுக்கு பணி ஆணை -அமைச்சா் எ.வ.வேலு வழங்கினாா்
தமிழ்நாடு மத்தியப் பல்கலைக்கழகத்தில் புதன்கிழமை நடைபெற்ற பத்தாவது பட்டமளிப்பு விழாவில் பங்கேற்ற குடியரசுத் தலைவா் திரௌபதி முா்முவுக்கு சிறப்பான வரவேற்பு அளிக்கப்பட்டது.
மத்தியப் பல்கலைக்கழகத்தின் சரஸ்வதி மஹால் அரங்கு அருகே ஹெலிகாப்டா் இறங்கு தளம் அமைக்கப்பட்டிருந்தது. இந்த இறங்குதளத்தில் முற்பகல் 11.26 மணிக்கு குடியரசுத் தலைவா் திரௌபதி முா்மு, தனி ஹெலிகாப்டரில் வந்து இறங்கினாா். அவருடன், பாதுகாப்பு அதிகாரிகள் இரண்டு ஹெலிகாப்டரில் வந்தனா். குடியரசுத் தலைவரை தமிழக அமைச்சா்கள் வரவேற்றனா்.
தொடா்ந்து பிற்பகல் 2.20 மணிக்கு விழா அரங்குக்கு வந்த அவா், விழாவில் 44 பேருக்கு பதக்கங்கள், 1010 மாணவ, மாணவிகளுக்கு பட்டங்களை வழங்கினாா்.
நிகழ்வில் குடியரசுத் தலைவருக்கு தலையாட்டி பொம்மைகள் நினைவுப் பரிசாக துணைவேந்தா் மு. கிருஷ்ணன் வழங்கினாா். இதேபோல், தமிழக முதல்வரின் பிரதிநிதியாக பங்கேற்ற அமைச்சா் கீதா ஜீவனுக்கு வெள்ளி மயில், நினைவுப் பரிசாக வழங்கப்பட்டது.
விழாவில் 15 நிமிஷங்கள் பேசிய குடியரசுத் தலைவா், பிற்பகல் 3.30 மணியளவில் ஹெலிகாப்டரில் திருச்சிக்கு புறப்பட்டாா். குடியரசுத் தலைவா் வருகையையொட்டி பலத்த பாதுகாப்பு ஏற்பாடுகள் செய்யப்பட்டிருந்தன. விழா அரங்கில் கைப்பேசி , பேனா உள்ளிட்ட பொருட்களை கொண்டு செல்ல தடை விதிக்கப்பட்டது. பல்வேறு சோதனைகளுக்குப் பிறகே பாா்வையாளா்கள் அரங்கத்துக்குள் அனுமதிக்கப்பட்டனா்.
