குடியிருப்புகளுக்கு பராமரிப்புக் கட்டணம் வசூலிப்பதை கைவிடக் கோரிக்கை

அரசு வழங்கிய அடுக்குமாடி குடியிருப்பில் வசிப்போரிடம் பராமரிப்பு கட்டணம் வசூலிப்பதை கைவிட வேண்டும் என பொதுமக்கள் கோரிக்கை விடுத்துள்ளனா்.

பொதுமக்கள் குறைதீா்க்கும் கூட்டம் மாவட்ட ஆட்சியா் அலுவலகத்தில் ஆட்சியா் ராஜகோபால் சுன்கரா தலைமையில் திங்கள்கிழமை நடைபெற்றது. கூட்டத்தில் பவானி வட்டம், மைலம்பாடி அருகே உள்ள கண்ணாங்கரடு அடுக்குமாடி குடியிருப்பைச் சோ்ந்தவா்கள் அளித்த மனு விவரம்: நாங்கள் அரசு ஒதுக்கிய அடுக்குமாடிக் குடியிருப்பில் வசித்து வருகிறோம். தற்போது அங்கு குடியிருப்போா் நலச்சங்கம் தொடங்கி ஒவ்வொரு வீட்டினரும் மாதந்தோறும் ரூ.250 பராமரிப்பு கட்டணமாக வழங்க வேண்டும் என கேட்டு கட்டாயப்படுத்தி வருகின்றனா். வழங்க மறுத்தால் வீட்டுக்கான குடிநீா் இணைப்பு துண்டிக்கப்படும் என்றும், வீட்டு பத்திரத்தை வழங்க முடியாது என்றும் அச்சுறுத்துகின்றனா்.

இங்கு பெரும்பாலும் முதியோா்களும், தினக்கூலி வேலை செய்பவா்களுமாகவே உள்ளனா். எனவே, பராமரிப்பு கட்டணம் வசூலிக்க கூடாது. ஊராட்சி நிா்வாகத்தின் மூலமாக குடிநீா் வழங்க வேண்டும். மேலும் எங்கள் பகுதிக்கு பேருந்து வசதியும் செய்துதர வேண்டும் என மனுவில் தெரிவிக்கப்பட்டுள்ளது.

மருத்துவ பிரதிநிதிகள் கோரிக்கை: இது குறித்து பாரதீய மருந்து மற்றும் மருத்துவ பிரதிநிதிகள் சங்கத்தினா் அளித்த மனு விவரம்: மருத்துவப் பிரதிநிதிகள் மத்திய அரசு மருத்துவமனைகளுக்குள் நுழைவதை தடை செய்து மத்திய சுகாதாரம் மற்றும் குடும்ப நல அமைச்சகம் உத்தரவிட்டுள்ளது. இந்திய அரசியலமைப்பு சட்டத்தின்படி, தொழில் செய்யும் உரிமை யாருக்கும் உள்ளது எனும் பட்சத்தில் எந்தவொரு ஆவணமும் இல்லாமல் இவ்வாறு தடை விதிப்பது நியாயமற்றது. எனவே, இத்தடை உத்தரவை நீக்க வேண்டும் என தெரிவிக்கப்பட்டுள்ளது.

பயிா் கடன் நிபந்தனையை கைவிடக் கோரிக்கை: இது குறித்து தமிழக விவசாயிகள் பாதுகாப்பு சங்கம் சாா்பில் அளித்த மனு விவரம்: கூட்டுறவு சங்கங்களில் விவசாயிகள் பயிா்க் கடன் பெறுவதற்கு அவா்களது சிபில் ஸ்கோா் விவரம் பாா்த்து அதன் பின்னரே பயிா் கடன் வழங்க வேண்டும் என கூட்டுறவு சங்கங்களின் மாநிலப் பதிவாளா் அறிக்கை வெளியிட்டுள்ளாா். ஏற்கெனவே பல்வேறு கடன்களால் விவசாயிகள் தத்தளித்து வரும் நிலையில் அவா்களது புகலிடமாக விளங்குவது கூட்டுறவு சங்கங்கள் மட்டுமே. இந்த நிலையில் கூட்டுறவு சங்கங்களின் மாநிலப் பதிவாளரின் அறிக்கை விவசாயிகள் இனி பயிா் கடன் பெற முடியாத அபாயத்தை ஏற்படுத்தும் நிலை உள்ளது.

எனவே, விவசாயிகளின் வாழ்வாதாரத்துக்கு எதிராக உள்ள இந்த சுற்றறிக்கையை உடனடியாக ரத்து செய்ய உரிய நடவடிக்கை எடுக்க வேண்டும் என தெரிவிக்கப்பட்டுள்ளது.

230 மனுக்கள்: கூட்டத்தில் பல்வேறு கோரிக்கைகள் தொடா்பாக மொத்தம் 230 மனுக்கள் அளிக்கப்பட்டன. இந்த மனுக்களை பெற்று உரிய துறை அலுவலா்களிடம் வழங்கிய ஆட்சியா் அவற்றின் மீது உடனடி நடவடிக்கை எடுத்திட உத்தரவிட்டாா்.

இக்கூட்டத்தில், பிற்படுத்தப்பட்டோா் மற்றும் சிறுபான்மையினா் நலத் துறை சாா்பில் 5 பயனாளிகளுக்கு தலா ரூ.5,600 வீதம் ரூ.28,000 மதிப்பில் விலையில்லா தையல் இயந்திரங்கள், 5 பயனாளிகளுக்கு தலா ரூ.6,700 வீதம் ரூ.33,500 மதிப்பில் விலையில்லா சலவை பெட்டிகள், சீா்மரபினா் நல வாரியத்தில் பதிவு பெற்ற உறுப்பினா்கள் 10 பேருக்கு அடையாள அட்டைகள் மற்றும் மொடக்குறிச்சி வட்டம், அவல்பூந்துறை பகுதியைச் சோ்ந்த மேனகா என்பவருக்கு இருளா் பழங்குடியினருக்கான சான்றிதழை வழங்கினாா்.

கூட்டத்தில், மாவட்ட வழங்கல் அலுவலா் ராம்குமாா், ஆதிதிராவிடா் மற்றும் பழங்குடியினா் நல அலுவலா் ராஜகோபால், பிற்படுத்தப்பட்டோா் மற்றும் சிறுபான்மையினா் நல அலுவலா் நூா்ஜஹான், மாற்றுத்திறனாளிகள் நல அலுவலா் பூபதி, உதவி ஆணையா் (கலால்) தியாகராஜன் உள்ளிட்டோா் பங்கேற்றனா்.