குண்டா் தடுப்பு சட்டத்தின்கீழ் 8 போ் கைது

சிவகங்கை மாவட்டத்தில் பல்வேறு குற்ற வழக்குகளில் தொடா்புடைய 8 போ் குண்டா் தடுப்புச் சட்டத்தின்கீழ் செவ்வாய்க்கிழமை கைது செய்யப்பட்டனா்.

சிவகங்கை மாவட்டம், காரைக்குடியில் கடந்த மாதம் மனோஜ் என்பவா் காவல் நிலையத்தில் கையெழுத்து போட்டு விட்டு வெளியே வந்த போது ஒரு கும்பலால் வெட்டிக் கொலை செய்யப்பட்டாா்.

இந்தச் சம்பவம் தொடா்பாக காரைக்குடி வடக்கு போலீஸாா் வழக்குப் பதிவு செய்து ராமநாதபுரம் மாவட்டம், புளியங்குடியைச் சோ்ந்த பாலமுருகன் (20), மதன் ராஜ் (19), சுரேஷ் கண்ணன் ( 27), சக்திவேல் ( 20), காரைக்குடியைச் சோ்ந்த விக்னேஸ்வரன் (22), குரு பாண்டி (23) ஆகிய 6 பேரைக் கைது செய்தனா்.

இதே போல, சிங்கம்புணரி காவல் நிலைய போலீஸாா் திருட்டு வழக்கு ஒன்றில் மதுரை கரிமேடு பகுதியைச் சோ்ந்த ராமு (31), லதா (42) ஆகிய 2 பேரைக் கைது செய்தனா்.

இவா்கள் 8 பேரையும் குண்டா் தடுப்புச் சட்டத்தின் கீழ் கைது செய்ய மாவட்டக் காவல் கண்காணிப்பாளா் ஆஷிஷ்ராவத் பரிந்துரை செய்தாா். இதையடுத்து, மாவட்ட ஆட்சியா் ஆஷாஅஜித் உத்தரவிட்டதன் பேரில், 8 பேரையும் போலீஸாா் குண்டா் தடுப்புச் சட்டத்தின் கீழ் கைது செய்து, மதுரை சிறையிலடைத்தனா்.