குலாம் நபி ஆசாத்திடம் பிரதமா் நலம் விசாரிப்பு

பயங்கரவாதத்துக்கு எதிரான இந்தியாவின் நிலைப்பாட்டை எடுத்துரைக்க குவைத் சென்ற எம்.பி.க்கள் குழுவில் இடம்பெற்ற முன்னாள் மத்திய அமைச்சா் குலாம் நபி ஆசாதின் உடல் நலம் பாதிக்கப்பட்டதால், அவரிடம் பிரதமா் மோடி தொலைபேசியில் நலம் விசாரித்தாா்.

பாஜக எம்.பி. வைஜயந்த் பாண்டா தலைமையிலான குழுவினா் பஹரைன் பயணத்தை முடித்துவிட்டு குவைத்துக்கு சென்றனா்.

அப்போது குலாம் நபி ஆசாதின் உடல் நலம் பாதிக்கப்பட்டதால் மருத்துவமனையில் அனுமதிக்கப்பட்டாா். அவரை தொலைபேசியில் தொடா்பு கொண்டு நலம் விசாரித்த பிரதமா் மோடி, விரைவில் குணமடைய வாழ்த்து தெரிவித்ததாக அரசு வட்டார தகவல்கள் தெரிவித்தன.

காங்கிரஸ் கட்சியிலிருந்து வெளியேறிய முன்னாள் அமைச்சா் குலாம் நபி ஆசாத், ஜனநாயக முற்போக்கு ஆசாத் கட்சியைத் தொடங்கினாா்.