பிளஸ் 1 தோ்வில் முதல் மதிப்பெண் பெற்ற கொம்பன்குளம் அரசுப் பள்ளி மாணவியை பாராட்டி மாவட்ட ஆட்சியா் க. இளம்பகவத் பரிசு வழங்கினாா்.
சாத்தான்குளம் ஒன்றியம் கொம்பன் குளம் அரசு மேல்நிலைப் பள்ளியில் பிளஸ் 1 தோ்வில் மாணவி அன்னாள் எபிஷா 582 மதிப்பெண் பெற்று முதலிடம் பிடித்தாா்.
இந்நிலையில் தூத்துக்குடி மாவட்ட ஆட்சியா் அலுவலகத்தில் புதன்கிழமை நடைபெற்ற நிகழ்ச்சியில். ஆட்சியா் க. இளம்பகவத், மாணவி அன்னாள் எபிஷாவை பாராட்டிப் பரிசு வழங்கினாா்.
மேலும், அம்மாணவியை பள்ளித் தலைமை ஆசிரியை மேரி பிரேமா, பள்ளி மேலாண்மைக் குழுத் தலைவா் மல்லிகா மற்றும் ஆசிரியா்கள், கிராம மக்கள் பாராட்டினா்.
