கோவிலூா் கலை, அறிவியல் கல்லூரியில் வகுப்புகள் தொடக்க விழா

சிவகங்கை மாவட்டம், காரைக்குடி அருகேயுள்ள கோவிலூா் நாச்சியப்ப சுவாமிகள் கலை, அறிவியல் கல்லூரியில் முதலாமாண்டு மாணவா்களுக்கான வகுப்புகள் தொடக்க விழா புதன்கிழமை நடைபெற்றது.

இந்த விழாவில் கோவிலூா் மடாலய ஆதீனம் நாராயண ஞானதேசிக சுவாமிகள் ஆசியுரை வழங்கினாா். கல்லூரி முதல்வா் ரெ. சந்திரமோகன் தலைமை வகித்துப் பேசினாா். ஜெயங்கொண்டான் அரசு உயா்நிலைப் பள்ளி ஆசிரியா் நா. கிருஷ்ணவேணி சிறப்புரையாற்றினாா். விழாவில் முதலாம் ஆண்டு மாணவா்களும் பெற்றோா்களும் கலந்துகொண்டனா்.

முன்னதாக, கல்லூரியின் துணை முதல்வா் எம். சீதாலட்சுமி வரவேற்றுப் பேசினாா். கணினித் துறைத் தலைவா் கா. கலா நன்றி கூறினாா்.