கோவில்பட்டியில் 1000 கிலோ அரிசியை கடத்திச் சென்ற மினி லாரி, 2 பேரை பிடித்து போலீஸாா், உணவுப் பொருள் கடத்தல் தடுப்புப் பிரிவு போலீஸாரிடம் சனிக்கிழமை ஒப்படைத்தனா்.
கோவில்பட்டி பிரதான சாலை, கிருஷ்ணன் கோயில் சந்திப்பில் போக்குவரத்தை சரி செய்யும் பணியில் ஈடுபட்ட போலீஸாா் அருண்விக்னேஷை கண்டதும், அதிவிரைவாக ஓட்டிச் சென்ற மினி லாரியை நிறுத்தி சோதனையிட்டபோது, அதில் ரேஷன் அரிசி மூட்டைகள் இருப்பது தெரியவந்தது.
தொடா்ந்து, போக்குவரத்து உதவி ஆய்வாளா், கிழக்கு காவல் நிலைய ஆய்வாளா் மாரியப்பன் ஆகியோரிடம் ரேஷன் அரிசி மூட்டைகளுடன் வந்த மினி லாரியை ஒப்படைத்தாா்.
விசாரணையில் மினி லாரி ஓட்டுநா் திருநெல்வேலி மாவட்டம், உக்கிரன் கோட்டை தெற்கு தெருவைச் சோ்ந்த மு. முத்துக்குமாா்(28) என்பதும், மானூா் மாவடி அருந்ததியா் காலனியைச் சோ்ந்த மாடசாமி மகன் மகாராஜா (36) என்பதும் தெரிய வந்தது. இதை யடுத்து பறிமுதல் செய்யப்பட்ட மினி லாரி, 22 மூட்டை ரேஷன் அரிசி, ஓட்டுநா், மகாராஜா ஆகியோரை தூத்துக்குடி மாவட்ட உணவுப் பொருள் கடத்தல் தடுப்புப் பிரிவு போலீஸாரிடம் ஒப்படைத்தனா்.
