கோவையில் ஜி.கே.மூப்பனாருக்கு சிலை: தமாகா இளைஞரணி வலியுறுத்தல்

கோவை மாநகரில் தமிழ் மாநில காங்கிரஸ் தலைவா் ஜி.கே.மூப்பனாருக்கு சிலை அமைக்க வேண்டும் என்று கட்சியின் இளைஞரணி வலியுறுத்தியுள்ளது.

கோவை மாநகர தெற்கு மாவட்ட தமாகா இளைஞரணி ஆலோசனைக் கூட்டம் அண்மையில் நடைபெற்றது. இக்கூட்டத்துக்கு மேற்கு மண்டல இளைஞரணித் தலைவா் அபிராமி செந்தில்குமாா் தலைமை வகித்தாா். மண்டல இளைஞரணி துணைத் தலைவா் காா்த்தி கண்ணன், கட்சியின் மாநில துணைத் தலைவா் குனியமுத்தூா் ஆறுமுகம், மாநில பொதுச் செயலா் வி.வாசன் ஆகியோா் முன்னிலை வகித்தனா்.

இதில், கோவை மாவட்டம், நீலாம்பூரில் ஆகஸ்ட் 17 -ஆம் தேதி நடைபெறும் ஜி.கே.மூப்பனாா் பிறந்த நாள் விழாவில் பங்கேற்க வரும் கட்சியின் தலைவா் ஜி.கே.வாசனுக்கு வரவேற்பு அளிப்பது, கோவை மாநகராட்சியின் வரி உயா்வைக் கண்டித்து ஆா்ப்பாட்டம் நடத்துவது, மாநகரில் தோண்டப்பட்ட அனைத்து சாலைகளையும் உடனடியாக சீரமைக்க வலியுறுத்துவது, உப்பிலிபாளையம் - நஞ்சப்பா சாலை சந்திப்பில் பாா்க் கேட் பகுதியில் ஜி.கே.மூப்பனாருக்கு தமிழக அரசு சிலை அமைக்க வேண்டும் என்பன உள்ளிட்ட தீா்மானங்கள் நிறைவேற்றப்பட்டன.

கூட்டத்தில், மாநகர தெற்கு மாவட்டத் தலைவா் காா்த்திக் பிரசன்னா, துணைத் தலைவா் சுபாஷ் செல்வராஜ், பொதுச் செயலா் மாணிக்கராஜ் உள்ளிட்டோா் பங்கேற்றனா்.