சங்ககிரி: சங்ககிரி, தேவூா் வட்டத்தில் நெல் பயிரிடும் விவசாயிகளுக்கு அதிக விளைச்சல் தரும் நெல் விதைகள் மானிய விலையில் வழங்கப்படுகின்றன என வேளாண் உதவி இயக்குநா் தெரிவித்துள்ளாா்.
இதுகுறித்து சங்ககிரி வேளாண் உதவி இயக்குநா் வி.விமலா வெளியிட்டுள்ள செய்திக்குறிப்பில் கூறியுள்ளதாவது:-
சங்ககிரி, தேவூா் வட்டாரப் பகுதிகளில் மழை பெய்து வருவதோடு, கால்வாய் பாசனத்துக்கு நீரும் திறந்துவிடப்பட்டுள்ளதால் விவசாயிகள், நெல் சாகுபடி செய்வதில் ஆா்வம் காட்டி வருகின்றனா்.
எனவே, வேளாண் விரிவாக்க மையங்களில் அதிக விளைச்சல் தரக்கூடிய ஆடுதுறை-53, 54, கோ-52, 55, டிகேஎம்-13 உள்ளிட்ட நெல் ரகங்கள் சுமாா் 15 டன் இருப்பு வைக்கப்பட்டுள்ளன. இவற்றை கிலோ ரூ. 20 மானியத்தில் விவசாயிகள் பெற்றுக் கொள்ளலாம். உயிா் உரங்களை 50 சதவீத மானியத்தில் பெற்றுக் கொள்ளலாம். நடவுக்கு முன்பு ஜிங்சல்பேட் ஏக்கருக்கு 10 கிலோ வீதமும், அதற்கு மானியமாக கிலோவுக்கு ரூ. 25 வீதம் வழங்கப்படுகின்றன. சுமாா் 3 ஆயிரம் கிலோ ஜிங்சல்பேட் இருப்பு வைக்கப்பட்டுள்ளன. இதனை விவசாயிகள் பெற்று பயன்படுத்தி, நெல் விளைச்சலை அதிகப்படுத்த வேண்டும். மேலும், தக்கைப்பூண்டு பசுந்தாள் உரவிதைகள் கிலோவுக்கு ரூ. 62.50 வீதம் மானியத்தில் வழங்கப்படுகிறது என தெரிவித்துள்ளாா்.
