சத்துணவில் அழுகிய முட்டை: எம்எல்ஏவின் ஆய்வில் அதிா்ச்சி

நெய்தவாயல் அரசு நடுநிலைப் பள்ளியில் பொன்னேரி எம்எல்ஏ ஆய்வு செய்தபோது சத்துணவுடன் வழங்கப்படும் முட்டை அழுகிய நிலையில் இருந்ததைக் கண்டு அதிா்ச்சி அடைந்தாா்.

மீஞ்சூா் அடுத்த நெய்தவாயல் பகுதியில் உங்களுடன் ஸ்டாலின் முகாமில் பங்கேற்ற பொன்னேரி சட்டப்பேரவை உறுப்பினா் துரை. சந்திரசேகா், அரசு நடு நிலைப்பள்ளியில் ஆய்வு செய்தாா்.

சத்துணவு கூடத்தை ஆய்வு செய்த போது முட்டைகள் சரியாக வருவதில்லை எனவும், அழுகிய நிலையில் வருவதால் குழந்தைகளுக்கு கொடுப்பதில்லை எனவும் ஆசிரியா்கள் கூறியதாக தெரிகிறது.

மேலும், அழுகிய முட்டைகளை மாணவா்களுக்கு விநியோகிப்பதில்லை எனவும், அவற்றை தனியாக எடுத்து வைத்து விடுவதாகவும் ஆசிரியா்கள் தெரிவித்தனா்.

அழுகிய நிலையில் முட்டை வருவதே தவறு, அவற்றை எடுத்து வைத்து விட்டால் தவறில்லை என்றாகி விடுமா எனவும் அவா் கேள்வி எழுப்பினாா். உடனடியாக எம்எல்ஏ துரை. சந்திரசேகா் மீஞ்சூா் வட்டார வளா்ச்சி அலுவலரை தொடா்பு கொண்டு அழுகிய

முட்டை விநியோகம் செய்த நபரின் ஒப்பந்தத்தை ரத்து செய்ய வேண்டும் என அறிவுறுத்தினாா்.