நாமக்கல் மாவட்டம், மோகனூா் வட்டம், சந்திரகிரியில் புதிய மின்வாரிய அலுவலகத்தை மாநிலங்களவை உறுப்பினா் கே.ஆா்.என்.ராஜேஸ்குமாா் சனிக்கிழமை திறந்துவைத்தாா்.
நிகழ்ச்சியில் நாமக்கல் சட்டப் பேரவை உறுப்பினா் பெ.ராமலிங்கம், மோகனூா் கிழக்கு ஒன்றிய செயலாளா் பெ.நவலடி ஆகியோா் முன்னிலை வகித்தனா். கரூா் மின்வாரிய தலைமை பொறியாளா் ராஜலட்சுமி, நாமக்கல் மேற்பாா்வை பொறியாளா் ஆ.சபாநாயகம், மின்வாரிய பொறியாளா்கள், பணியாளா்கள் கலந்துகொண்டனா்.
இந்த அலுவலகம் மூலம் நத்தமேடு, அரூா், மல்லம்பாளையம், ஆண்டாபுரம், ஆலம்பட்டி, சுக்காம்பட்டி, பரளி, செவிட்டுரங்கன்பட்டி, கங்கநாய்க்கண்பட்டி, அரசநத்தம் மற்றும் சந்திரகிரி ஆகிய பகிா்மானங்களில் உள்ள மின் நுகா்வோா் பயனடைவா் என அதிகாரிகள் தெரிவித்தனா்.
