சாதனைக் கலைஞா்களுக்கு விருது: அமைச்சா் காந்தி வழங்கினாா்

காஞ்சிபுரத்தில் கலை பண்பாட்டுத்துறை சாா்பில் கலைஞா்கள் 15 பேருக்கு கைத்தறித் துறை அமைச்சா் ஆா்.காந்தி விருதுகளும், காசோலைகளை வழங்கினாா்.

காஞ்சிபுரம் ஆட்சியா் அலுவலக காவல் மைதானத்தில் காஞ்சி-சங்கமம்-நம்ம ஊரு திருவிழா என்ற பெயரில் கலைத் திருவிழா திங்கள்கிழமை தொடங்கி செவ்வாய்க்கிழமை நிறைவு பெற்றது. முதல் நாள் நிகழ்வுக்கு ஆட்சியா் கலைச்செல்வி மோகன் தலைமை வகித்தாா். எம்.பி. க.செல்வம், எம்எல்ஏக்கள் க.சுந்தா், எழிலரசன், மேயா் எம்.மகாலட்சுமி யுவராஜ் முன்னிலை வகித்தனா். கலை பண்பாட்டுத்துறை துணை இயக்குநா் பா.ஹேமநாதன் வரவேற்றாா். கைத்தறி அமைச்சா் ஆா்.காந்தி முரசு இசைத்து விழாவை தொடங்கி வைத்தாா்.

விழாவின் தொடக்கத்தில் கானா பாலச்சந்தா் மற்றும் ஜோதி, படப்பை பிரம்மா ஆகியோருடன் 75 கலைஞா்கள் இணைந்து தமிழும் பேரறிஞா் அண்ணாவும் எனும் இசை நாட்டிய நிகழ்ச்சியை நடத்தினா். தொடா்ந்து கன்னியாகுமரி மணிகண்டன் குழுவினரின் கணியான் கூத்து, சென்னை துரோணா் கலைக்குழுவினரின் மல்லா்கம்பம், செங்கல்பட்டு டோல்கட்டை இருளா் கலைக்குழுவினரின் பழங்குடியினா் பாடல், ராணிப்பேட்டை விஜய் குழுவினரின் கொக்கலிக்கட்டை ஆட்டம் நடைபெற்றது.

விருது பெற்ற கலைஞா்கள்:

கலைமுதுமணி விருது-நாடக்கலைஞா் பூவை.எஸ்.சண்முகம்,வீணைக் கலைஞா் வி.எஸ்.ரங்கராஜன், கைச்சிலம் பாட்டக் கலைஞா் சு.முனுசாமி,- கலைநன்மணி விருது-தெருக்கூத்துக்கலைஞா் சு.பாபு,நாதசுவரக் கலைஞா் என்.எஸ்.சுப்பிரமணியம், புலியாட்டக் கலைஞா் கோ.தேவராஜ் -கலைச்சுடா்மணி விருது-வில்லிசைக்கலைஞா் க.முருகன்,தவில்கலைஞா்-சண்முக கனி,ஓவியக்கலைஞா் அ.கீதா-கலை வளா்மணி விருது-தெருக்கூத்துக் கலைஞா் நந்தகுமாா்,பம்பை கலைஞா் மணிகண்டன், பரதநாட்டியக் கலைவா் ஜெயலட்சுமி -கலை இளமணி விருது-சிலம்பாட்டக்கலைஞா்கள் கி.சிவச்செல்வன்,பா.ஷாரினி,வாய்ப்பாட்டு கலைஞா் சபரீஷ்வா் ஆகியோருக்கு அமைச்சா் ஆா்.காந்தி விருதுகளும் காசோலைகளும் வழங்கினாா்.

விழாவில் மாவட்ட வருவாய் அலுவலா் செ.வெங்கடேஷ், சாா் ஆட்சியா் ஆஷிக் அலி, ஒன்றியக்குழு தலைவா் மலா்க்கொடி குமாா், மாவட்ட ஊராட்சி துணைத் தலைவா் நித்யா சுகுமாா், அரசு அலுவலா்கள், பொதுமக்கள் கலந்து கொண்டனா்.