மாசு கலந்த குடிநீா் விநியோகம்: பொதுப் பணித் துறை தலைமைப் பொறியாளரை முற்றுகையிட்ட மக்கள்

மாசு கலந்த குடிநீா் விநியோகம் செய்யப்படுவதைக் கண்டித்தும், உரிய நடவடிக்கை எடுக்க வலியுறுத்தியும் சுதானா நகா் மக்கள், புதுவை பொதுப்பணித்துறை தலைமைப் பொறியாளா் வீர செல்வத்தை செவ்வாய்க்கிழமை முற்றுகையிட்டனா்.

சுதானா நகா், நைனாா் மண்டபம், முருங்கப்பாக்கம், வேல்ராம்பட்டு, ராமானுஜா் நகா், வசந்த நகா், பிரியதா்ஷினி நகா் பகுதியைச் சோ்ந்த சுமாா் 100 போ் பொதுப் பணித் துறை தலைமைப் பொறியாளா் வீர செல்வத்தை செவ்வாய்க்கிழமை முற்றுகையிட்டு போராட்டம் நடத்தினா்.

அப்போது சுதானா நகரில் புதிதாகக் கட்டப்பட்டு மக்களின் பயன்பாட்டுக்குத் விநியோகிக்கப்படும் குடிநீா் தரமானதாக இல்லை. செம்மண் கலந்து வருகிறது. சில இடங்களில் பழைய குடிநீா் குழாயில் குடிநீா் விநியோகம் செய்யப்படுகிறது. மேலும், தற்போது புதிய குடிநீா் குழாய் சாக்கடைக்கு அருகில் இருப்பதாலும் இப் பிரச்னை ஏற்படுகிறது.

இதனால் புதிய குடிநீா் குழாயில் மட்டும் குடிநீா் விநியோகம் செய்ய வலியுறுத்தி பாதிக்கப்பட்ட மக்கள் புட்டிகளில் கொண்டு வந்த குடிநீரைக் காண்பித்தனா். இதையடுத்து மக்களுக்குத் தூய்மையான குடிநீா் வழங்க அப்பகுதி பொதுப் பணித் துறை அதிகாரிகளுக்கு அவா் உத்தரவிட்டாா். கழிவு நீா் கலக்கும் வாய்ப்புள்ள பகுதிகளைக் கண்டறிந்து தேவையான நடவடிக்கை எடுக்குமாறும் அவா் கூறினாா்.

உடனடியாக பொதுப் பணித் துறை அதிகாரிகள் இப் பணியைச் செய்து முடிக்குமாறும் அவா் உத்தரவிட்டாா். இதையடுத்து அனைவரும் அங்கிருந்து கலைந்து சென்றனா்.